തന്നെ വിവാഹം കഴിക്കണമെന്ന് ആഗ്രഹമുണ്ടെന്ന് തുറന്നു പറഞ്ഞ ആരാധികയ്ക്ക് ഹൃദയത്തില്‍ തൊടുന്ന മറുപടിയുമായി നടന്‍ മാധവന്‍. താരം ഇന്‍സ്റ്റഗ്രാമില്‍ പങ്കുവെച്ച ചിത്രത്തിന് താഴെയാണ് പതിനെട്ടുകാരി മാധവനെ വിവാഹം കഴിക്കാന്‍ തോന്നുന്നു എന്ന കമന്റുമായി എത്തിയത്. ഈ ചോദ്യവും മാധവന്റെ മറുപടിയും ഇതിനോടകം സോഷ്യല്‍ മീഡിയയില്‍ ശ്രദ്ധ നേടിയിരിക്കുകയാണ്.
“എനിക്ക് പതിനെട്ടു വയസായി, താങ്കളെ വിവാഹം കഴിക്കണം എന്ന് തോന്നുന്നത് തെറ്റാണോ? എന്നായിരുന്നു നീന ജയ് എന്ന ആരാധികയുടെ ചോദ്യം. പിന്നാലെ മാധവന്റെ മറുപടിയും എത്തി. “എന്നെക്കാളും അര്‍ഹതയുള്ള ഒരാളെ നിങ്ങള്‍ തീര്‍ച്ചയായും കണ്ടെത്തും. ദൈവം നിങ്ങളെ അനുഗ്രഹിക്കട്ടെ.” എന്നായിരുന്നു മാധവന്റെ മറുപടി.
മാധവന്റെ മറുപടിയെ നിറഞ്ഞ പ്രശംസയോടെയാണ് ആരാധകര്‍ ഏറ്റെടുത്തിരിക്കുന്നത്. താന്‍ അഭിനയിക്കുകയും സംവിധാനം ചെയ്യുകയും ചെയ്യുന്ന പുതിയ ചിത്രമായ “റോക്കറ്ററി”യിലെ സാള്‍ട്ട് ആന്‍ഡ് പേപ്പര്‍ ലുക്കില്‍ ഉള്ള ഒരു ചിത്രമായിരുന്നു മാധവന്‍ പങ്കുവെച്ചിരുന്നത്. ഐ.എസ്.ആര്‍.ഒ ചാരക്കേസില്‍ പ്രതിയായി മുദ്ര കുത്തപ്പെട്ട ശാസ്ത്രജ്ഞന്‍ നമ്പി നാരായണന്റെ ജീവിതത്തെ ആസ്പദമാക്കി ഒരുങ്ങുന്ന ചിത്രമാണിത്.
https://www.instagram.com/p/B0RM8nXlKdQ/?utm_source=ig_web_copy_link