എങ്ങനെയാണ് ‘വാലിബന്’ അവതരിക്കുക എന്ന കടുത്ത ആകാംഷയിലാണ് സിനിമാപ്രേമികള്‍. ഒരു മലയാള സിനിമയ്ക്ക് ലഭിക്കാവുന്നതില്‍ വച്ച് ഏറ്റവും വലിയ പ്രീ റിലീസ് ഹൈപ്പ് ആണ് ലിജോ ജോസ് പെല്ലിശേരി ചിത്രം ‘മലൈകോട്ടൈ വാലിബന്’ ലഭിക്കുന്നത്. ജനുവരി 25ന് റിലീസ് ചെയ്യുന്ന ചിത്രത്തിനായി കാത്തിരിക്കുകയാണ് ആരാധകര്‍.
ഇതിനിടെ മറ്റൊരു വാര്‍ത്തയാണ് ആരാധകരുടെ ആശങ്ക കൂട്ടുന്നത്. വാലിബന് ഒരു രാജ്യത്ത് മാത്രം ഒരു ദിവസം മുമ്പേയെത്തും എന്ന റിപ്പോര്‍ട്ടുകളാണ് എത്തുന്നത്. കാനഡയിലാണ് സിനിമ നേരത്തെ എത്തുക. കാനഡിയല്‍ ഏകദേശം അമ്പതിലധികം പ്രദേശങ്ങളിലാകും ചിത്രം റിലീസ് ചെയ്യുക.
ജനുവരി 24ന് കാനഡയില്‍ ചിത്രത്തിന്റെ പ്രീമിയര്‍ സംഘടപ്പിക്കുന്നുണ്ട്. മോഹന്‍ലാലിന്റെ അഭിനയ ജീവിതത്തിലെ തന്നെ പ്രധാന സിനിമയാവും വാലിബന് എന്നാണ് പ്രേക്ഷകരും സിനിമ നിരൂപകരും കണക്കുക്കൂട്ടുന്നത്. യോദ്ധാവിന്റെ ലുക്കില്‍ കൈകളില്‍ വടവുമായി മുട്ടുകുത്തി അലറി വിളിക്കുന്ന രീതിയില്‍ ആയിരുന്നു ചിത്രത്തിന്റെ ഫസ്റ്റ്‌ലുക്ക് എത്തിയത്.
കൈയ്യില്‍ വാളേന്തി യുദ്ധമുഖത്ത് നില്‍ക്കുന്ന പോലെ മറ്റൊരു പോസ്റ്ററും എത്തിയിരുന്നു. ടീസറും ചിത്രത്തിലെ ഗാനങ്ങളും ഏറെ ശ്രദ്ധ നേടിയിരുന്നു. ‘ആമേന്‍’ എന്ന സൂപ്പര്‍ ഹിറ്റ് ചിത്രത്തിന് ശേഷം പി. എസ് റഫീഖ് തിരക്കഥയെഴുതുന്ന ലിജോ ജോസ് പെല്ലിശ്ശേരി ചിത്രം കൂടിയാണ് വാലിബന്.
മറാഠി നടി സൊണാലി കുല്‍ക്കര്‍ണി, ഹരീഷ് പേരടി, ഹരിപ്രശാന്ത് വര്‍മ്മ, മണികണ്ഠന്‍ ആചാരി, സുചിത്ര നായര്‍, മനോജ് മോസസ്, ബംഗാളി നടി കഥ നന്ദി തുടങ്ങിയവരൊക്കെ ചിത്രത്തില്‍ അഭിനയിക്കുന്നുണ്ട്. ഷിബു ബേബി ജോണും ലിജോയും മോഹന്‍ലാലും ചേര്‍ന്നാണ് മലൈകോട്ടൈ വാലിബന് നിര്‍മ്മിക്കുന്നത്.