മോഹിത് സൂരി ഒരുക്കുന്ന റൊമാന്റിക് ആക്ഷന്‍ ചിത്രം “മലംഗി”ന്റെ പോസ്റ്ററിന് രൂക്ഷ വിമര്‍ശനം. ആദിത്യ റോയ് കപൂറും ദിഷ പഠാനിയും ചുംബിക്കുന്ന പോസ്റ്ററിന് എതിരെയാണ് സോഷ്യല്‍ മീഡിയയില്‍ വിമര്‍ശനങ്ങള്‍ ഉയരുന്നത്.
“”ഇത്തരം പോസ്റ്ററുകള്‍ യുവാക്കളെ മോശമായി സ്വാധീനിക്കും””, “”ഉറപ്പായും ചിത്രം പരാജയമാകും”” എന്ന കമന്റുകളാണ് പോസ്റ്ററിനെതിരെ വരുന്നത്. അനില്‍ കപൂര്‍, കുണാല്‍ കെമു എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
അങ്കിത് തിവാരി, അനുപം റോയ്, മിത്തൂണ്‍, ജീത് ഗാംഗുലി എന്നിവര്‍ ചേര്‍ന്നാണ് ചിത്രത്തിന് വേണ്ടി സംഗീതം ഒരുക്കുന്നത്. ലവ് രഞ്ജന്‍, അങ്കുര്‍ ഗാര്‍ഗ്, ഭൂഷണ്‍ കുമാര്‍, കൃഷന്‍ കുമാര്‍, ജയ് ഷെവക്രാമന്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. ചിത്രം ഫെബ്രുവരി ഏഴിന് പ്രദര്‍ശനത്തിന് എത്തും.