മലയാള സിനിമയുടെ സുവർണ്ണ കാലത്ത് സിനിമ ലോകം ഏറ്റവും കൂടുതൽ ആഘോഷിച്ച താര ജോഡികളായിരുന്നു പാർവതിയും ജയറാമും. പിന്നീട് ജീവിതത്തിലും അവർ ഒന്നിച്ചു. മക്കളായ കാളിദാസ് ജയറാമും മാളവിക ജയറാമും മലയാളികൾക്ക് സുപരിചിതരാണ്.
കാളിദാസ് ജയറാം സിനിമയിൽ മികച്ച കഥാപാത്രങ്ങൾ കൊണ്ട് സജീവമാണെങ്കിലും മാളവിക ഇതുവരെ സിനിമയിൽ അരങ്ങേറിയിട്ടില്ല. ചക്കി എന്ന പേരിലാണ് മാളവിക അറിയപ്പെടുന്നത്.
സോഷ്യൽ മീഡിയയിൽ സജീവമായ മാളവിക തന്റെ അക്കൌണ്ടിലൂടെ ചിത്രങ്ങളും വിശേഷങ്ങളും എല്ലാം പങ്കുവെക്കാറുണ്ട്. ഇപ്പോഴിതാ മാളവികയുടെ ഇൻസ്റ്റഗ്രാം സ്റ്റോറിയാണ് ചർച്ചയാവുന്നത്. ഒരു കാറിനുള്ളിൽ രണ്ട് കൈകളും ചേർത്തിരിക്കുന്ന ഒരു ചിത്രമാണ് മാളവിക പങ്കുവെച്ചിരിക്കുന്നത്. ഒരു ഹിന്ദി പ്രണയഗാനവും ചിത്രത്തിനൊപ്പം നൽകിയിട്ടുണ്ട്.
ഇതിനെത്തുടർന്ന് മാളവിക പ്രണയത്തിലായോ എന്ന സംശയത്തിലാണ് ഒരു കൂട്ടം ആരാധകർ. അധികം വൈകാതെ തന്നെ ഇതിന് ഉത്തരം കിട്ടും എന്ന പ്രതീക്ഷയിലാണ് ആരാധകർ. ഒരു വർഷം മുൻപ് ‘മായം സെയ്ത് പോവേ’ എന്ന തമിഴ് മ്യൂസിക് വീഡിയോയിൽ തമിഴ് നടൻ അശോക് സെൽവനൊപ്പം മാളവിക അഭിനയിച്ചിരുന്നു. 18 ലക്ഷത്തോളം പേരാണ് അന്ന് ആ വീഡിയോ കണ്ടത്.