മമ്മൂട്ടിയുടെ കരിയറിലെ ഏറ്റവും വലിയ ചിത്രമെന്ന വിശേഷണത്തോടെ തിയേറ്ററുകളിലെത്തിയ സിനിമയാണ് മാമാങ്കം. ഇപ്പോള്‍ 30000 ഷോകള്‍ ആഗോള തലത്തില്‍ പൂര്‍ത്തീകരിച്ചിരിക്കുകയാണ് മാമാങ്കം. ഇത്രയും വേഗത്തില്‍ ഒരു മലയാള സിനിമ 30000 ഷോകള്‍ പൂര്‍ത്തിയാക്കുന്നത് ആദ്യമായാണ്. ഉണ്ണി മുകുന്ദന്‍, പ്രാചി ടെഹ്ലന്‍, അനു സിതാര, സിദ്ദിഖ്, തരുണ്‍ അറോറ, സുദേവ് നായര്‍, ഇനിയ, കനിഹ, മണിക്കുട്ടന്‍, ജയന്‍ ചേര്‍ത്തല, കവിയൂര്‍ പൊന്നമ്മ, സുരേഷ് കൃഷ്ണ എന്നിങ്ങനെ വലിയ ഒരു താരനിര അണിനിരന്ന ഈ ചിത്രം നാല്‍പ്പതില്‍ അധികം രാജ്യങ്ങളില്‍ ആണ് റിലീസ് ചെയ്തത്.
55 കോടിയോളം മുതല്‍മുടക്കില്‍ എം പദ്മകുമാര്‍ ആണ് ചിത്രം സംവിധാനം ചെയ്തത്. കാവ്യ ഫിലിംസിന്റെ ബാനറില്‍ വേണു കുന്നപ്പള്ളി ആണ് ചിത്രം നിര്‍മ്മിക്കുന്നത്. ശങ്കര്‍ രാമകൃഷ്ണന്‍ തിരക്കഥ ഒരുക്കിയ ഈ ചിത്രത്തില്‍ ഉണ്ണി മുകുന്ദന്‍, മാസ്റ്റര്‍ അച്യുതന്‍, പ്രാചി ടെഹ്ലന്‍ എന്നിവരും നിര്‍ണായകമായ വേഷങ്ങളില്‍ എത്തിയിട്ടുണ്ട്.
Read more
