മമ്മൂട്ടി ചിത്രത്തിന്റെ സെറ്റില്‍ നിന്നുള്ള ഒരു അപൂര്‍വ്വ വീഡിയോ സോഷ്യല്‍ മീഡിയയില്‍ വൈറലാകുന്നു. മമ്മൂട്ടി ഡബിള്‍ റോളില്‍ അഭിനയിച്ച ഐവി ശശി ചിത്രം ‘ബല്‍റാം v/s താരാദാസി’ന്റെ ലൊക്കേഷനില്‍ നിന്നുള്ള പഴയ വീഡിയോയാണ് ഇപ്പോള്‍ ശ്രദ്ധ നേടുന്നത്.
പൊലീസ് വേഷത്തില്‍ മമ്മൂട്ടി ഡാന്‍സ് ചെയ്യുന്നതാണ് വീഡിയോയിലുള്ളത്. അബു സലിമിനോടും അഗസ്റ്റിനോടും തമാശകള്‍ പറഞ്ഞ്, അവര്‍ക്ക് മുന്നില്‍ ഡാന്‍സ് കളിക്കുന്ന മമ്മൂട്ടിയെയാണ് വീഡിയോയില്‍ കാണാനാവുക. മമ്മൂട്ടിയുടെ ഡാന്‍സ് കണ്ട് ഇരുവരും ചിരിക്കുന്നതും വീഡിയോയില്‍ കാണാം.
View this post on Instagram
മമ്മൂട്ടിയുടെ ഫാന്‍ പേജിലാണ് ഈ വീഡിയോ എത്തിയിരിക്കുന്നത്. നിരവധി കമന്റുകളും വീഡിയോക്ക് താഴെ എത്തുന്നുണ്ട്. 2006ല്‍ പുറത്തിറങ്ങിയ ചിത്രമാണ് ബല്‍റാം vs താരദാസ്. ലിബര്‍ട്ടി ബഷീര്‍, എം.കെ നാസര്‍, ഐ.വി ശശി എന്നിവര്‍ ചേര്‍ന്ന് നിര്‍മ്മിച്ച ചിത്രം അന്ന് ഫ്‌ളോപ്പ് ആയിരുന്നു.
അതേസമയം, ‘ടര്‍ബോ’ ആണ് മമ്മൂട്ടിയുടെതായി ഒടുവില്‍ പുറത്തിറങ്ങിയ ചിത്രം. 70 കോടി ബജറ്റില്‍ ഒരുക്കിയ ചിത്രം 75 കോടി രൂപയാണ് ബോക്‌സ് ഓഫീസില്‍ നിന്നും നേടിയത്. ടര്‍ബോ ജോസ് എന്ന കഥാപാത്രത്തെയാണ് മമ്മൂട്ടി ചിത്രത്തില്‍ അവതരിപ്പിച്ചത്.