ഇനി വരാനിരിക്കുന്ന മമ്മൂട്ടി ചിത്രങ്ങളില്‍ പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണ് ‘ബിലാല്‍’. ‘ബിഗ് ബി’യുടെ രണ്ടാം ഭാഗമായ ചിത്രം പ്രഖ്യാപിച്ചിട്ട് വര്‍ഷങ്ങളായി. സിനിമയെ കുറിച്ചുള്ള അപ്‌ഡേറ്റിനായി കാത്തിരിക്കുന്ന ആരാധകര്‍ക്ക് സന്തോഷ വാര്‍ത്തയുമായാണ് മമ്മൂട്ടി എത്തിയിരിക്കുന്നത്.
ബിലാലിന്റെ തിരക്കഥ പുരോഗമിക്കുകയാണെന്നും അമല്‍ നീരദുമായി കഴിഞ്ഞ ദിവസം ചര്‍ച്ച ചെയ്യാന്‍ ഒരുങ്ങിയതായും നടന്‍ പറഞ്ഞു. സംവിധായകന്റെ തിരക്കില്‍ അത് നടക്കാതെ പോകുകയായിരുന്നു. ഗ്യാംഗ്്സ്റ്റര്‍ ഡ്രാമയായി 2018ല്‍ റിലീസ് ചെയ്ത ബിഗ് ബി തിയേറ്ററില്‍ വിജയമായിരുന്നില്ല.
എന്നാല്‍ പിന്നീട് കേരളത്തില്‍ സിനിമയ്ക്ക് കള്‍ട്ട് പദവി ലഭിച്ചു. മലയാളത്തിലെ അണ്ടറേറ്റഡ് ആക്ഷന്‍ സിനിമയായാണ് ചിത്രത്തെ ആരാധകര്‍ പരിഗണിക്കുന്നത്. ബിഗ് ബിക്ക് ശേഷം ബിലാല്‍ പ്രഖ്യാപിച്ചെങ്കിലും അമല്‍ നീരദ്-മമ്മൂട്ടി കോംമ്പോയില്‍ എത്തിയത് ‘ഭീഷ്മപര്‍വ്വം’ ആയിരുന്നു.
Read more
മമ്മൂട്ടിയുടെതായി റിലീസിനൊരുങ്ങുന്ന ചിത്രം ‘ക്രിസ്റ്റഫര്‍’ ആണ്. ഫെബ്രുവരി 9ന് ആണ് ചിത്രത്തിന്റെ റിലീസ്. ബി. ഉണ്ണികൃഷ്ണന്‍ സംവിധാനം ചെയ്യുന്ന ചിത്രത്തിന് തിരക്കഥ ഒരുക്കുന്നത് ഉദയകൃഷ്ണ ആണ്. ഇന്‍വെസ്റ്റിഗേറ്റീവ് ത്രില്ലര്‍ വിഭാഗത്തിലുള്ളതാണ് ചിത്രം.
