പരിമിതികൾക്കിടയിലും പ്രിയതാരം മമ്മൂട്ടിയ്ക്ക് ഷർട്ട് ഡിസൈൻ ചെയ്ത് സമ്മാനിച്ച് ആരാധകൻ. മസ്കുലാർ ഡിസ്ട്രോഫി എന്ന രോഗം ബാധിച്ച് കഴുത്തിന് താഴെ തളർന്ന ജസ്ഫർ ആണ് പ്രിയതാരത്തിന് സ്നേഹസമ്മാനം നൽകിയത്.
View this post on Instagram
ചുണ്ടുകൾക്കിടയിൽ ബ്രഷ് കടിച്ച് പിടിച്ചു കൊണ്ടാണ് ജസ്ഫർ ലിനൻ ഷർട്ടിൽ ഡിസൈൻ ചെയ്തിരിക്കുന്നത്. എന്നാൽ ഇതിന് പകരം ഒരു സമ്മാനമായി കഴിഞ്ഞ ദിവസം ഇടിയൻ ചന്തു എന്ന സിനിമയുടെ സോങ് ലോഞ്ചിന് ഈ ഷർട്ട് ധരിച്ചുകൊണ്ടാണ് താരമെത്തിയത്. ഇതിന്റെ ചിത്രങ്ങൾ സോഷ്യൽ മീഡിയയിൽ വൈറലാവുകയും ചെയ്തിരുന്നു.
ഇതിന്റെ സന്തോഷം ജസ്ഫർ സമൂഹ മാധ്യമങ്ങളിലൂടെ പങ്കുവെച്ചിട്ടുണ്ട്. ‘നന്ദി മമ്മൂക്ക… എന്നിലെ കലാകാരന് നൽകിയ ഈ അംഗീകാരത്തിന്… എന്റെ പരിശ്രമത്തിന് വില നൽകിയതിന്… പിന്നെ ഒരു മാസം കഴിഞ്ഞിട്ടും എന്നെ ഓർമിച്ചതിന്’ എന്നാണ് ജസ്ഫർ കുറിച്ചത്.
