തൃക്കാക്കരയിലെ ഇടത് സ്ഥാനാര്‍ത്ഥിയായ ഡോ. ജോ ജോസഫിന് വേണ്ടി പ്രചാരണത്തിനിറങ്ങുമെന്ന് നടന്‍ മണികണ്ഠന്‍ ആചാരി. പനമ്പിള്ളി നഗറില്‍ പര്യടനത്തിനെത്തിയ ജോ ജോസഫിനോട് മണികണ്ഠന്‍ തന്നെയാണ് ഇക്കാര്യം പറഞ്ഞത്. ജോ ജോസഫിന് വേണ്ടി കൂടെയുണ്ടായിരുന്ന ഇടതുമുന്നണി പ്രവര്‍ത്തകര്‍ വോട്ട് അഭ്യര്‍ത്ഥിച്ചപ്പോള്‍ മണികണ്ഠന്‍ പറഞ്ഞത്: ”അടുത്ത ദിവസം മുതല്‍ പ്രചാരണത്തിന് ഇറങ്ങുന്ന എന്നോട് വോട്ട് ചോദിക്കേണ്ട കാര്യമുണ്ടോ സഖാവേ.’
അതേസമയം, എല്‍ഡിഎഫ് പ്രചാരണത്തിന്റെ ഭാഗമായി മുഖ്യമന്ത്രി പിണറായി വിജയന്‍ ഇന്ന് മണ്ഡലത്തിലെത്തും. എല്‍ഡിഎഫ് മണ്ഡലം കണ്‍വന്‍ഷന്‍ വൈകുന്നേരമാണ്് മുഖ്യമന്ത്രി ഉദ്ഘാടനം ചെയ്യുന്നത്. മുതിര്‍ന്ന കോണ്‍ഗ്രസ് നേതാവ് കെവി തോമസും നേതാക്കള്‍ക്കൊപ്പം പരിപാടിയില്‍ പങ്കെടുക്കും.
Read more
31 നാണ് തൃക്കാക്കരയില്‍ വോട്ടെടുപ്പ് നടക്കുന്നത്. ജൂണ്‍ മൂന്നിന് വോട്ടെണ്ണല്‍ നടക്കും. 12നാണ് പത്രികകളുടെ സൂക്ഷമപരിശോധന. 16 വരെ പത്രിക പിന്‍വലിക്കാനും സമയമുണ്ട്.
