പരിയേറും പെരുമാൾ, കർണ്ണൻ, മാമന്നൻ എന്നീ ചിത്രങ്ങൾക്ക് ശേഷം തെന്നിന്ത്യൻ സെൻസേഷൻ മാരി സെൽവരാജ് സംവിധാനം ചെയ്യുന്ന ഏറ്റവും പുതിയ ചിത്രമായ ‘ബൈസൺ’ന്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസമാണ് പുറത്തുവിട്ടത്.
ധ്രുവ് വിക്രം നായകനാവുന്ന ചിത്രത്തിൽ അനുപമ പരമേശ്വരൻ ആണ് നായികയായെത്തുന്നത്. കൂടാതെ രജിഷ വിജയൻ, ലാൽ എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്.
തന്റെ മുൻ ചിത്രങ്ങളിലെണ്ണ പോലെ ഒരു മൃഗത്തെ രൂപകമായുള്ള ഉപയോഗപ്പെടുത്തൽ ബൈസണിലും കാണാൻ സാധിക്കും. ആദ്യ ചിത്രമായ പരിയേറും പെരുമാളിൽ കറുപ്പി എന്ന നായ ഒരു പ്രധാന കഥാപാത്രമായിരുന്നു. ധനുഷ് നായകനായെത്തിയ രണ്ടാം ചിത്രം കർണ്ണനിൽ കഴുതയായിരുന്നു ഒരു രൂപകം പോലെ സംവിധായകൻ തന്റെ രാഷ്ട്രീയം പറയാൻ ഉപയോഗപ്പെടുത്തിയിരുന്നു.
മൂന്നാം ചിത്രമായ മാമന്നനിൽ പന്നിയായിരുന്നു മാരി സെൽവരാജ് ഇത്തരത്തിൽ ഉപയോഗപ്പെടുത്തിയിരുന്നത്. പുതിയ ചിത്രം ബൈസൺ ഫസ്റ്റ് ലുക്ക് പോസ്റ്ററിലും ഒരു കാട്ടുപോത്തിന്റെ ചിത്രം കാണാൻ സാധിക്കും. ബഹുജനങ്ങളോടുള്ള സമൂഹത്തിന്റെ അടിച്ചമർത്തൽ ഇത്തരത്തിൽ മൃഗങ്ങളെ ഉപയോഗിച്ച് ചിത്രീകരിക്കുന്നതിൽ മാരി സെൽവരാജിന് പ്രത്യേക കഴിവുണ്ട് എന്നതും ശ്രദ്ധേയമാണ്.
கால்நடையாய் நடந்து வாரான் காளமாடன் அவன் கார்மேகம் போல வாரான் காளமாடன்…💥✨#Bison @beemji @NeelamStudios_ @ApplauseSocial @nairsameer @deepaksegal @Tisaditi #DhruvVikram @anupamahere @LalDirector @PasupathyMasi @rajisha_vijayan @KalaiActor @editorsakthi @Kumar_Gangappan… pic.twitter.com/0bpLJFoEsB
— Mari Selvaraj (@mari_selvaraj) May 6, 2024
സ്പോർട്സ്- ഡ്രാമ ഴോണറിൽ ആയിരിക്കും ബൈസൺ ഒരുങ്ങുന്നത്. പ്രശസ്ത കബഡി താരം മാനത്തി ഗണേശിന്റെ ജീവിതത്തിൽ നിന്നും പ്രചോദനം ഉൾകൊണ്ടാണ് ചിത്രമൊരുങ്ങുന്നത്. എന്നാൽ ബയോപിക് അല്ല ചിത്രമെന്നാണ് മാരി സെൽവരാജ് നേരത്തെ വെളിപ്പെടുത്തിയത്.
പാ രഞ്ജിത്തിന്റെ നീലം പ്രൊഡക്ഷൻസും അപ്ലോസ് എന്റർടെയ്ൻമെന്റും ചേർന്നാണ് ചിത്രം നിർമ്മിക്കുന്നത്.
Read more
നിവാസ് കെ പ്രസന്ന ആണ് ചിത്രത്തിന് വേണ്ടി സംഗീത സംവിധാനം നിർവഹിക്കുന്നത്. ഛായാഗ്രഹണം ഏഴില്‍ അരശ്. കാർത്തിക് സുബ്ബരാജ് സംവിധാനം ചെയ്ത മഹാൻ ആയിരുന്നു ധ്രുവ് വിക്രമിന്റെ അവസാനം പുറത്തിറങ്ങിയ ചിത്രം.
