‘മാസ്റ്റര്‍’ സിനിമയിലെ ക്ലൈമാക്‌സ് ഫൈറ്റില്‍ നിന്നുള്ള മേക്കിംഗ് വീഡിയോ പങ്കുവെച്ച് വിജയ് സേതുപതി. ചിത്രം റിലീസ് ചെയ്ത് ഒരു വർഷം പിന്നിടുന്ന സാഹചര്യത്തിലായിരുന്നു വീഡിയോ റിലീസ് ചെയ്തത്.
ലോകേഷ് കനകരാജ് സംവിധാനം ചെയ്ത ചിത്രത്തില്‍ വിജയ് ആയിരുന്നു നായകന്‍. ഭവാനി എന്ന കഥാപാത്രത്തെയായിരുന്നു വിജയ് സേതുപതി അവതരിപ്പിച്ചത്. ചിത്രം ബോക്‌സ്ഓഫീസിലും വലിയ വിജയമായി.
300 കോടി രൂപ കളക്ഷന്‍ നേടി വലിയ വിജയമായി തീര്‍ന്ന സിനിമയാണ് ‘മാസ്റ്റര്‍’. ഇതില്‍ വിജയ്, വിജയ് സേതുപതി എന്നിവരാണ് പ്രധാന കഥാപാത്രങ്ങളായി അഭിനയിച്ചത്. ലോക്ക്ഡൗണിന് ശേഷം ജനുവരി 13 ന് പുറത്തിറങ്ങിയ ചിത്രം ആദ്യ ദിവസം തന്നെ തമിഴ് നാട്ടില്‍ 25 കോടി രൂപയാണ് നേടിയത്. വെറും മൂന്ന് ദിവസത്തിനുള്ളില്‍ സിനിമയുടെ കളക്ഷന്‍ 100 കോടി കടന്നു.