യുഎഇ ബോക്‌സ്ഓഫിസില്‍ മികച്ച കളക്ഷന്‍ നേടി മമ്മൂട്ടി ചിത്രം മാസ്റ്റര്‍പീസ്. ഒരാഴ്ചയില്‍ 4.41 ലക്ഷം ഡോളര്‍ അഥവാ 2.81 കോടി രൂപ മാസ്റ്റര്‍പീസ് യുഎഇയില്‍ നിന്ന് മാത്രം നേടിയതായാണ് ട്രേഡ് അനലിസ്റ്റുകള്‍ വെളിപ്പെടുത്തുന്നത്.
. ഇതുവരെയുള്ള കണക്കുകള്‍ പരിശോധിച്ചാല്‍ സല്‍മാന്‍ ഖാന്‍ ചിത്രം ടൈഗര്‍ സിന്ദാ ഹേ മാത്രമാണ് യുഎഇ ബോക്‌സ് ഓഫിസിലെ കളക്ഷനില്‍ മാസ്റ്റര്‍ പീസിന് മുന്നിലുള്ളത്. മൂന്നാഴ്ചയില്‍ 29.13 കോടി രൂപയാണ് ചിത്രം നേടിയത്.
മൂന്നാഴ്ച കൊണ്ട് 2.40 കോടി കളക്ഷന്‍ നേടിയ തമിഴ് ചിത്രം വേലൈക്കാരന്‍ മാസ്റ്റര്‍പീസിനേക്കാള്‍ ഏറെ പിറകിലാണ്. അജയ് വാസുദേവ് സംവിധാനം ചെയ്ത മമ്മൂട്ടി ചിത്രം മാസ്റ്റര്‍ പീസ് ഇതിനകം ടോട്ടല്‍ ബിസിനസില്‍ 40 കോടിക്കു മുകളില്‍ സ്വന്തമാക്കിയതായി നിര്‍മാതാക്കളായ റോയല്‍ സിനിമാസ് അറിയിച്ചിട്ടുണ്ട്.