Connect with us
https://southlive.in/wp-content/uploads/2018/08/728-x-90-pix.jpg

FILM NEWS

റോയല്‍ സിനിമാസിന് ഒന്നും സംഭവിച്ചിട്ടില്ല, അടുത്ത സിനിമയുടെ പണിപ്പുരയിലാണ് – മാസ്റ്റര്‍പീസിന്റെ നിര്‍മ്മാതാവ് സിഎച്ച് മുഹമ്മദ്

, 4:15 pm

ആരാധകര്‍ ബ്ലോക്ക്ബസ്റ്ററെന്നും മറ്റ് ചിലര്‍ ഫ്‌ളോപ്പ് എന്നും പറയുന്ന ചിത്രമാണ് മമ്മൂട്ടിയുടെ മാസ്റ്റര്‍പീസ്. കളക്ഷന്‍ കണക്കിലെ വൈരുദ്ധ്യങ്ങളാണ് സിനിമയെ ചര്‍ച്ചയാക്കിയത്. സിനിമയുമായി ബന്ധപ്പെട്ട ചര്‍ച്ചകള്‍ ഉയര്‍ന്നു വന്ന സാഹചര്യത്തില്‍ മാസ്റ്റര്‍പീസിന്റെ നിര്‍മ്മാണ കമ്പനിയായ റോയല്‍ സിനിമാസ് സാമ്പത്തിക ഭാരത്താല്‍ നഷ്ടത്തിലായെന്നും കമ്പനി പൂട്ടിപോയെന്നും സോഷ്യല്‍ മീഡിയയില്‍ വ്യാപക പ്രചാരമുണ്ടായി.

എന്നാല്‍, ഇതിന്റെ സത്യാവസ്ഥ മറ്റൊന്നാണെന്ന് പറയുകയാണ് മാസ്റ്റര്‍പീസിന്റെ നിര്‍മ്മാതാവും റോയല്‍ സിനിമാസിന്റെ ഉടമയുമായ സി.എച്ച്. മുഹമ്മദ്.

‘റോയല്‍ സിനിമാസ് പൂട്ടിപോയി എന്നൊക്കെ പറയുന്നത് വ്യാജവാര്‍ത്തയാണ്. കമ്പനി അടുത്ത പടം ചെയ്യാനുള്ള ഒരുക്കത്തിലാണ്. രണ്ട് സിനിമകളാണ് റോയല്‍ സിനിമാസ് അടുത്തതായി നിര്‍മ്മിക്കുന്നത്. സിനിമകളെ സംബന്ധിച്ച് കൂടുതല്‍ വിവരങ്ങള്‍ പുറത്തുവിടാന്‍ ആയിട്ടില്ല, അതുകൊണ്ട് പറയുന്നില്ല’ – സി.എച്ച്. മുഹമ്മദ് പറഞ്ഞു.

അടുത്ത സിനിമയ്ക്കായി സിഎച്ച് മുഹമ്മദ് അഡ്വാന്‍സ് നല്‍കിയെന്ന് പറഞ്ഞ സംവിധായകനുമായും സൗത്തലൈവ് സംസാരിച്ചു. അഡ്വാന്‍സ് കൈപറ്റിയിട്ടുണ്ടെന്നും എന്നാല്‍ ചിത്രത്തിന്റെ വര്‍ക്ക് തുടങ്ങാന്‍ കുറച്ചുനാള്‍ കൂടി കഴിയുമെന്നും അദ്ദേഹം പറഞ്ഞു. മറ്റൊരു സിനിമയുമായി ബന്ധപ്പെട്ട ജോലികളിലാണ് ഇപ്പോള്‍. ഇപ്പോള്‍ ചെയ്തുകൊണ്ടിരിക്കുന്ന സിനിമയുടെ ജോലികള്‍ പൂര്‍ത്തിയാക്കിയശേഷം മറ്റൊരു സിനിമയുടെ കമ്മിറ്റ്‌മെന്റുണ്ട്. അത്കൂടി പൂര്‍ത്തിയായ ശേഷമെ സിഎച്ച് മുഹമ്മദിന്റെ സിനിമയുടെ ജോലികള്‍ ആരംഭിക്കുകയുള്ളുവെന്നും സംവിധായകന്‍ പറഞ്ഞു.

ഫെയ്‌സ്ബുക്കിലും ട്വിറ്ററിലുമുള്ള സിനിമ പ്രമോഷന്‍ പേജുകളാണ് റോയല്‍ സിനിമാസ് പൂട്ടി പോയെന്നും നിര്‍മ്മാതാവ് സിഎച്ച് മുഹമ്മദ് സാമ്പത്തിക പ്രതിസന്ധിയിലാണെന്നുമുള്ള പ്രചരണം നടത്തിയത്.

Advertisement