മായാനദിയെക്കുറിച്ചുള്ള ആസ്വാദനകുറിപ്പുകള്‍കൊണ്ട് നിറയുകയാണ് സോഷ്യല്‍മീഡിയ. ഹൃദയസ്പര്‍ശിയായ ഒരു കുറിപ്പ് ചുവടെ
ഒരിക്കലും തിരിച്ചുവരാത്ത പ്രണയമാണ് മായാനദി.. അത് ഇങ്ങനെ ശാന്തമായി ഒഴുകികൊണ്ടിരിക്കും … പ്രണയം എന്താണ് ചിലര്‍ക്ക് അത് ഒരു കൂട്ട് ആണ്… ചിലര്‍ക്ക് ഒന്നിച്ചു ഒരു നടത്തം ആണ് അല്ലെങ്കില്‍ ആത്മവിശ്വാസം പകരുന്ന വാക്കുകളാണ് അതുമല്ലെങ്കില്‍ മാംസ നിബിഡമാണ്. നമ്മള്‍ കണ്ടു മടുത്ത പ്രണയങ്ങളില്‍ നിന്നും വ്യത്യസ്തമാണ് മായാനദി.. അപ്പുവിന്റെയും മാത്തന്റെയും പ്രതീക്ഷകളും ഒരിക്കലും തിരിച്ചുവരാത്ത പ്രണയവുമാണ് മായാനദി.
ഒരല്‍പം കണ്ണുനീരോടെ അല്ലാതെ നമ്മുക്ക് തീയേറ്ററില്‍ നിന്നും ഇറങ്ങാന്‍ സാധിക്കില്ല കാരണം അത്രയും വിങ്ങല്‍ ആണ് മാത്തന്‍. അതീജീവനത്തിനിടയിലും തനിക്ക് പറ്റിയ തെറ്റ് അല്ലെങ്കില്‍ ഒരിക്കല്‍ കാമുകിക്ക് തന്നില്‍ നഷ്ടപ്പെട്ട വിശ്വാസം നേടിയെടുക്കുക… തന്റെ സന്തോഷങ്ങള്‍ അവളില്‍ ആണെന്ന് തിരിച്ചറിയുന്ന മാത്തന്‍. അപ്പുവിന്റെ വാക്കുകളില്‍ ” അവന്‍ പൂച്ചയെ പോലെ ആണ്.. വല ശ െമ ൗെൃ്ശ്ീൃ” എന്നാല്‍ പിന്നെ അവനെ കെട്ടിക്കൂടെ എന്ന കൂട്ടുകാരിയുടെ ചോദ്യത്തിന് മുന്നില്‍
“പയ്യനാ….വിശ്വസിക്കാന്‍ ആയിട്ടില്ല” എന്ന ഉത്തരത്തിലും അവസാന നിമിഷത്തില്‍ പോലും അപ്പുവിനെ ജീവനു തുല്യം സ്‌നേഹിക്കുന്ന മാത്തനെ നമുക്ക് കാണാം.
അപ്പു – അപര്‍ണ
തന്റേടിയായ തനിക്ക് ഇഷ്ടപ്പെട്ട കാര്യങ്ങള്‍ ചെയ്യുന്നവള്‍… പ്രണയത്തില്‍ വിശ്വാസമാണ് ഏറ്റവും വലുതെന്ന് കരുത്തുന്നവള്‍. ഒരിക്കലും ഒരു പെണ്ണിന്റെ ശരീരത്തിലൂടെ അവളുടെ മനസില്‍ കയറാന്‍ പറ്റുമെന്ന കാലഘട്ടത്തത്തിന്റെ കാഴ്ചപ്പാടിനെ വലിച്ചു കീറി ഭിത്തിയില്‍ ഒട്ടിക്കുന്ന ജീവിതത്തില്‍ പോരാടുന്ന അപ്പു… അവള്‍ പ്രണയത്തില്‍ അതിന്റെ വിശ്വാസത്തില്‍ ജാഗരൂകയാണ്…. അതേ സമയം നല്ല പ്രണയിനിയാണ്… എല്ലാ കാര്യത്തിലും മാത്തനെക്കാള്‍ പക്വതയും പാകവും ഉള്ളവള്‍ ആണ്… ഒരിക്കലും തിരികെ വരാത്ത തന്റെ പ്രണയത്തിനായി കാത്തിരിക്കുന്നവള്‍.
Read more
ഒരിക്കലെങ്കിലും പ്രണയിച്ചവര്‍ ആ പ്രണയം ഇനി ഒരിക്കലും തിരിച്ചുവരാതെ നഷ്ടപ്പെട്ടു പോയവര്‍ക്ക് ഒരു വിങ്ങല്‍ ആയിരിക്കും മായാനദി. അത്രയധികം സുന്ദരവും അതുപോലെ തന്നെ നൊമ്പരവും ആണ് മായാനദി. അത് ഇങ്ങനെ ഒഴുകികൊണ്ടിരിക്കുന്നു.. അവസാനമില്ലാതെ.
