മഞ്ജു വാര്യരെ മകള്‍ മീനാക്ഷി ദിലീപ് ഇന്‍സ്റ്റഗ്രാമില്‍ ഫോളോ ചെയ്യാന്‍ ആരംഭിച്ചുവെന്ന വാര്‍ത്ത വ്യാജം. മഞ്ജു വാര്യര്‍ മീനാക്ഷിയെ പിന്തുടരുന്നുണ്ടെങ്കിലും മീനാക്ഷി മഞ്ജുവിനെ പിന്തുടരുന്നില്ല. മീനാക്ഷിയുടെ അക്കൗണ്ടിലെ ഫോളോവേഴ്‌സ് ലിസ്റ്റില്‍ മഞ്ജുവിന്റെ പേരില്ല.
അഞ്ച് ലക്ഷത്തിനടുത്ത് ഫോളോവേഴ്‌സ് ഉള്ള മീനാക്ഷി പിന്തുടരുന്നത് 51 പേരെയാണ്. നസ്രിയ ഫഹദ്, അപൂര്‍വ ബോസ്, അലീന അല്‍ഫോണ്‍സ് പുത്രന്‍, മമിത ബൈജു, നമിത പ്രമോദ്, റെബ മോണിക്ക, നിരഞ്ജന അനൂപ്, മീര നന്ദന്‍, കീര്‍ത്തി സുരേഷ് എന്നിവരടക്കമുളളവരെ മീനാക്ഷി ഫോളോ ചെയ്യുന്നുണ്ട്.
പക്ഷേ ആ ലിസ്റ്റില്‍ മഞ്ജു ഇല്ല. 138 പേരെയാണ് മഞ്ജു വാര്യര്‍ തന്റെ ഇന്‍സ്റ്റഗ്രാം അക്കൗണ്ടിലൂടെ ഫോളോ ചെയ്യുന്നത്. ഇതില്‍ ഒരാള്‍ മീനാക്ഷിയാണ്. 3.5 മില്യണ്‍ ഫോളോവേഴ്‌സും നടിക്കുണ്ട്. മഞ്ജുവും ദിലീപും വേര്‍പിരിഞ്ഞതിന് ശേഷം മീനാക്ഷി ദിലീപിനൊപ്പമാണ് താമസിക്കുന്നത്.
ദിലീപിനൊപ്പം മീനാക്ഷി പൊതുചടങ്ങുകളില്‍ പങ്കെടുക്കാറുണ്ട്. എന്നാല്‍ മഞ്ജുവിനൊപ്പം മീനാക്ഷിയെ കണ്ടിട്ടില്ല. 1998ല്‍ ആണ് ദിലീപും മഞ്ജുവും വിവാഹിതരാകുന്നത്. വര്‍ഷങ്ങളോളം വേര്‍പിരിഞ്ഞ് താമസിച്ചതിന് പിന്നാലെ 2015ല്‍ ആണ് ഇരുവരും ഔദ്യോഗികമായി വിവാഹമോചനം നേടിയത്. 2016ല്‍ ആണ് ദിലീപ് കാവ്യ മാധവനെ വിവാഹം ചെയ്തത്.
ഏതാനും ദിവസങ്ങള്‍ക്ക് മുമ്പാണ് മീനാക്ഷി എംബിബിഎസ് ബിരുദം നേടിയത്. എന്നാല്‍ ഈ ചടങ്ങുകളില്‍ ഒന്നും മഞ്ജു വാര്യര്‍ ഉണ്ടായിരുന്നില്ല. ചെന്നൈയിലാണ് മീനാക്ഷി എംബിബിഎസ് പൂര്‍ത്തിയാക്കിയത്. പഠനത്തിനിടെയുള്ള സമയത്ത് നാട്ടില്‍ വന്നാല്‍ കുടുംബത്തോടൊപ്പം പൊതുപരിപാടികളില്‍ പങ്കെടുക്കാറുണ്ട്.