നവീൻ സംവിധാനം ചെയ്യുന്ന പുതിയ സിനിമയാണ് “അഗ്നി സിറകുകള്‍”. കമൽ ഹാസന്റെ മകൾ അക്ഷര ആണ് ചിത്രത്തിലെ നായിക ആകുന്നത്. ഈ സിനിമയിൽ തന്നെ ആണ് ആദ്യം നായിക ആകാൻ ക്ഷണിച്ചതെന്നും കമൽ ഹാസൻ ഇടപെട്ടു അക്ഷരരയെ ആ റോളിൽ എത്തിക്കുകയായിരുന്നു എന്ന ആരോപണവുമായി മോഡലും നടിയുമായ മീര മിഥുൻ രംഗത്തെത്തി.
തമിഴ് സിനിമയിലെ സ്വജനപക്ഷപാതത്തിന്റെ ഇരയാണ് താൻ എന്ന് മീരപറഞ്ഞു. കമല്‍ ഹാസനും കൂട്ടരും ചേര്‍ന്ന് അഗ്നി സിറകുകളില്‍ നിന്ന് തന്നെ പുറത്താക്കിയത് എന്നറിയാം. ഇപ്പോൾ താൻ അതിൽ ദുഖിക്കുന്നില്ല. ഇവരുടെയെല്ലാം പൊയ്മുഖം പുറത്തു കൊണ്ട് വരാൻ സാധിക്കാത്തതിൽ സന്തോഷവും അഭിമാനവും ഉണ്ടെന്നും മീര പറഞ്ഞു.
മീരയുടെ വാദം കള്ളമാണെന്ന് പറഞ്ഞു “അഗ്നി സിറകു”കളുടെ സംവിധായകൻ നവീൻ രംഗത്ത് വന്നിട്ടുണ്ട്. ശാലിനി പാണ്ഡെയായാണ് ആദ്യം തൻ ഈ റോളിനായി പരിഗണിച്ചത്. എന്നാൽ ചില സാങ്കേതിക കാരണങ്ങളാൽ അത് നടന്നില്ല. എന്നാൽ നവീൻ പറയുന്നത് കള്ളമാണെന്ന് മീര ആവർത്തിക്കുന്നു. ഇവർ തമ്മിൽ ഉള്ള തർക്കം സോഷ്യൽ മീഡിയയിൽ വിവാദമാകുകയാണ്.
കമല്‍ ഹാസന്‍ അവതാരകനായെത്തിയ ബിഗ് ബോസ് റിയാലിറ്റി ഷോയിലൂടെ ആണ് മീര മിഥുന്‍ശ്രദ്ധേയയാകുന്നത്. മോഡലിങ് രംഗത്ത് സജീവമായ മീര ഏതാനും സിനിമകളില്‍ അഭിനയിച്ചിട്ടുണ്ട്. ഇപ്പോൾ തീയറ്ററുകളിൽ ഉള്ള നമ വീട്ടു പിള്ളയിൽ ശ്രദ്ധേയമായ വേഷം അവതരിപ്പിച്ചിട്ടുണ്ട്.