ഷൈജു അന്തിക്കാട് ചിത്രം “ഭൂമിയിലെ മനോഹര സ്വകാര്യം” മലയാളികള്‍ നിര്‍ബന്ധമായും കാണേണ്ട സിനിമയെന്ന് മന്ത്രി വി.എസ് സുനില്‍കുമാര്‍. ഇന്നത്തെ സാഹചര്യത്തില്‍ ഈ സിനിമക്ക് വലിയ പ്രസക്തിയുണ്ടെന്നും തൃശൂരില്‍ സിനിമ കണ്ടിറങ്ങിയ ശേഷം മന്ത്രി പ്രതികരിച്ചു.
“”വളരെ നല്ലൊരു സിനിമയാണ്, പരമാവധി ആളുകള്‍ കാണേണ്ട സിനിമയാണ്, സിനിമ വെറുമൊരു എന്റര്‍ടെയിന്‍മെന്റ് മാത്രമല്ലല്ലോ, ഇതിലൊരു വലിയ സന്ദേശമുണ്ട്. പ്രണയം മതം വിശ്വാസം തുടങ്ങിയ കാര്യങ്ങളില്‍ യാഥാര്‍ത്ഥ്യവും അസംബന്ധവും തമ്മിലുള്ള സംഘര്‍ഷമുണ്ട്. ഈ സിനിമ നിര്‍ബന്ധമായും മലയാളികള്‍ കാണേണ്ട സിനിമയാണ്. ഇന്നത്തെ സാഹചര്യത്തില്‍ ഈ സിനിമയ്ക്ക് വലിയ പ്രസക്തിയുണ്ട്”” എന്നാണ് മന്ത്രിയുടെ വാക്കുകള്‍.
Read more
ദീപക് പറമ്പോലും പ്രയാഗ മാര്‍ട്ടിനും കേന്ദ്ര കഥാപാത്രങ്ങളായി എത്തിയ സിനിമയാണ് ഭൂമിയിലെ മനോഹര സ്വകാര്യം. ബയോസ്‌കോപ് ടാകീസിന്റെ ബാനറില്‍ രാജീവ്കുമാര്‍ ആണ് ചിത്രം നിര്‍മിച്ചിരിക്കുന്നത്. എ ശാന്തകുമാര്‍ തിരക്കഥയും സംഭാഷണവും ഒരുക്കിയ ചിത്രത്തിന്റെ സംഗീതം സച്ചിന്‍ ബാലുവാണ്.
