ക്രിക്കറ്റ് ഇതിഹാസം മുത്തയ്യ മുരളിധരനെ ജിമ്മിൽ വെച്ച് കണ്ടുമുട്ടിയതിന്റെ സന്തോഷം പങ്കുവെച്ച് ടൊവിനോ തോമസ്. ഇൻസ്റ്റഗ്രാമിലൂടെയാണ് ടൊവിനോ ചിത്രങ്ങൾ പങ്കുവെച്ചത്.
ജിമ്മിൽ വെച്ചാണ് ഇരുവരും കണ്ടുമുട്ടിയത്. ഇന്നത്തെ വര്‍ക്ക് ഔട്ട് സൂപ്പര്‍ എക്സൈറ്റിംഗ് ആയിരുന്നു. “ഇന്ന് ഇതിഹാസ സ്പിന്നര്‍ മുത്തയ്യ മുരളീധരനെ കാണുവാന്‍ അവസരം ലഭിച്ചു. ഫാന്‍ ബോയ് മൊമന്‍റ്.” എന്നാണ് ടൊവിനോ ഇൻസ്റ്റഗ്രാമിൽ കുറിച്ചത്.
ടൊവിനോയുടെയും മുത്തയ്യ മുരളിധരന്റെയും നിരവധി ആരാധകരാണ് ചിത്രത്തിൽ കമന്റുമായി എത്തിയിരിക്കുന്നത്. മിന്നൽ മുരളിയും സ്പിന്നർ മുരളിയും കണ്ടുമുട്ടി എന്നൊരു ആരാധകൻ കമന്റ് ചെയ്തു.
രു ടെസ്റ്റ് മത്സരത്തിന് ആറിലധികം വിക്കറ്റ് ശരാശരിയുള്ള അദ്ദേഹം കായിക ചരിത്രത്തിലെ ഏറ്റവും മികച്ച ബൗളർമാരിൽ ഒരാളായി കണക്കാക്കപ്പെടുന്നു. 800 ടെസ്റ്റ് വിക്കറ്റുകളും 530-ലധികം ഏകദിന വിക്കറ്റുകളും നേടിയ ഒരേയൊരു ബൗളറാണ് അദ്ദേഹം.
അന്താരാഷ്ട്ര ക്രിക്കറ്റ് കൗൺസിലിന്റെ ടെസ്റ്റ് ബൗളർമാരുടെ റാങ്കിംഗിൽ 214 ടെസ്റ്റ് മത്സരങ്ങളിൽ നിന്ന് 1,711 ദിവസം ഒന്നാം റാങ്കിൽ ഇരുന്നതിന്റെ റെക്കോഡും മുരളിക്ക് അവകാശപ്പെട്ടതാണ്. 1996 ലോകകപ്പ് ജയിച്ച ശ്രീലങ്കൻ ടീമിന്റെ ഭാഗം കൂടി ആയിരുന്നു മുരളി.