മോഹന്‍ലാലിനൊപ്പമുള്ള സെല്‍ഫിയുമായി മോഹന്‍ സിസ്റ്റേഴ്സ്. നടിയും നര്‍ത്തകിയുമായ മുക്തി മോഹന്‍ ആണ് മോഹന്‍ലാലിനൊപ്പം നില്‍ക്കുന്ന സഹോദരിമാരുടെ ചിത്രം പങ്കുവച്ചത്. രസകരമായ ക്യാപ്ഷനോടെയാണ് മുക്തി ചിത്രം പങ്കുവച്ചത്. ഒപ്പം എല്ലാവര്‍ക്കും പ്രചോദനമായ മോഹന്‍ലാല്‍ എന്ന ഇതിഹാസ താരത്തെ കണ്ടതിന്റെ സന്തോഷവും മുക്തി പങ്കുവച്ചിട്ടുണ്ട്.
”ഫ്‌ളൈറ്റിലുള്ള എല്ലാ മോഹന്മാരും ദയവായി എഴുന്നേറ്റ് നില്‍ക്കൂ. മോഹന്‍ലാല്‍ സര്‍, നിങ്ങളെപ്പോലെ ഏവര്‍ക്കും പ്രചോദനമാകുന്ന ഇതിഹാസ താരത്തെ ഒടുവില്‍ കണ്ടുമുട്ടിയതില്‍ സന്തോഷം. ഒരുപാട് നന്ദി” എന്നാണ് മുക്തി മോഹന്‍ കുറിച്ചിരിക്കുന്നത്. മുക്തി, നീതി, സാക്ഷി എന്നീ സഹോദരിമാരാണ് മോഹന്‍ലാലിനൊപ്പമുള്ളത്.
നീതി മോഹന്‍, ശക്തി മോഹന്‍, മുക്തി മോഹന്‍, കൃതി മോഹന്‍ എന്നീ നാല് സഹോദരിമാരാണ് മോഹന്‍ സിസ്റ്റേഴ്സ് എന്നറിയപ്പെടുന്നത്. മൂത്ത സഹോദരിയായ നീതി മോഹന്‍ ബോളിവുഡ് ഗായികയാണ്. ശക്തി മോഹന്‍ നര്‍ത്തകിയും കൊറിയോഗ്രഫറുമാണ്. സ്റ്റാര്‍പ്ലസ് ചാനലിലെ ഡാന്‍സ് റിയാലിറ്റി ഷോയുടെ വിധികര്‍ത്താവും കൂടിയാണ് ശക്തി.
ശക്തിയുടെ ഇരട്ട സഹോദരിയായ മുക്തി മോഹനും നര്‍ത്തകിയാണ് കൂടാതെ നിരവധി ഷോര്‍ട്ട് ഫിലിമുകളിലും മുക്തി അഭിനയിച്ചിട്ടുണ്ട്. നാലാമത്തെ സഹോദരിയായ കൃതി മോഹന്‍ മാത്രമാണ് ലൈംലൈറ്റില്‍ നിന്ന് വിട്ടുനില്‍ക്കുന്നത്. എന്നാല്‍ സോഷ്യല്‍ മീഡിയയില്‍ സജീവമാണ് കൃതി.