ക്രിസ്മസിന് ബോളിവുഡ്, ടോളിവുഡ് ചിത്രങ്ങളോട് ഏറ്റുമുട്ടാന്‍ മോഹന്‍ലാല്‍ ചിത്രവും. ഷാരൂഖ് ഖാന്‍ ചിത്രം ‘ഡങ്കി’യും പ്രഭാസ് ചിത്രം ‘സലാറും’ ഡിസംബറില്‍ തിയേറ്ററുകളില്‍ എത്തുമ്പോള്‍, മോഹന്‍ലാല്‍-ജീത്തു കോമ്പോയില്‍ എത്തുന്ന ‘നേര്’ എന്ന ചിത്രവും ഇതിനൊപ്പം എത്തുമെന്നാണ് റിപ്പോര്‍ട്ടുകള്‍.
ഡിസംബര്‍ 22ന് ആണ് ഡങ്കി, സലാര്‍ എന്നീ ചിത്രങ്ങള്‍ റിലീസ് ചെയ്യാനൊരുങ്ങുന്നത്. പഠാന്‍, ജവാന്‍ എന്നീ ചിത്രങ്ങളുടെ വന്‍ വിജയത്തിന് പിന്നാലെയാണ് ഷാരൂഖിന്റെ ഡങ്കി വരുന്നത്. സംവിധായകന്‍ രാജ്കുമാര്‍ ഹിരാനിയുടെ പുതിയ ചിത്രം എന്ന പ്രത്യേകതയും ഡങ്കിക്ക് ഉണ്ട്.
.@Mohanlal ‘s #Neru Releasing On December 21, 2023. Some Theatres Got Confirmation Regarding Release Date!! pic.twitter.com/X3n2WVYcC6
— Mollywood BoxOffice (@MollywoodBo1) September 27, 2023
തപ്‌സി പന്നുവാണ് ഡങ്കിയില്‍ നായികയായി എത്തുന്നത്. ദിയാ മിര്‍സ, ബൊമന്‍ ഇറാനി, ധര്‍മേന്ദ്ര, സതിഷ് ഷാ, സതിഷ് ഷാ, പരിക്ഷിത് സാഹ്‌നി, വിക്കി കൗശല്‍ എന്നിവര്‍ക്കൊപ്പം വിക്കി കൗശല്‍ അതിഥി വേഷത്തിലും ഡങ്കിയിലുണ്ട്. നേരത്തെ റിലീസ് തീരുമാനിച്ചിരുന്ന സലാറും ഡിസംബര്‍ 22ന് ആണ് തിയേറ്ററുകളില്‍ എത്താന്‍ ഒരുങ്ങുന്നത്.
കെജിഎഫ് എന്ന വമ്പന്‍ ഹിറ്റ് ചിത്രത്തിലൂടെ രാജ്യമൊട്ടാകെ ശ്രദ്ധയാകര്‍ഷിച്ച പ്രശാന്ത് നീല്‍ സംവിധാനം ചെയ്യുന്നു എന്നതും പൃഥ്വിരാജും പ്രധാന വേഷത്തില്‍ എത്തുന്നതും സലാറിന്റെ പ്രത്യേകതയാണ്. ക്രിസ്മസിന് ബോക്‌സ് ഓഫീസില്‍ സൂപ്പര്‍ താരങ്ങള്‍ പോരാട്ടത്തിന് എത്തുമ്പോള്‍ മോഹന്‍ലാലും ഒപ്പമെത്തും എന്നാണ് റിപ്പോര്‍ട്ടുകള്‍.
Read more
ഡിസംബര്‍ 21ന് ആണ് ചിത്രം റിലീസിനൊരുങ്ങുന്നത് എന്ന റിപ്പോര്‍ട്ടുകളാണ് ട്രേഡ് അനലിസ്റ്റുകള്‍ പങ്കുവയ്ക്കുന്നത്. ‘ദൃശ്യം 2’വില്‍ വക്കീല്‍ ആയി എത്തിയ ശാന്തി മായാദേവി, പ്രിയാമണി എന്നിവരാണ് ചിത്രത്തില്‍ നായികമാര്‍.
