‘സീതാരാമം’ ഫെയിം മൃണാള്‍ ഠാക്കൂര്‍ പ്രണയത്തില്‍. ഒരു തെലുങ്ക് താരവുമായി താരം പ്രണയത്തിലാണെന്ന വാര്‍ത്തകളാണ് ഇപ്പോള്‍ പുറത്തുവരുന്നത്. നിര്‍മ്മാതാവ് അല്ലു അരവിന്ദ് സംസാരിച്ചതിന് പിന്നാലെ ഗോസിപ്പുകള്‍ പറന്നു. പലതും തെലുങ്ക് മാധ്യമങ്ങളില്‍ വാര്‍ത്തയായി.
അല്ലു അര്‍ജുന്റെ പിതാവും നിര്‍മ്മാതാവുമായ അല്ലു അരവിന്ദ് ഒരു അവാര്‍ഡ് ഷോയില്‍ മൃണാളിനെ കുറിച്ച് സംസാരിച്ചതിന് പിന്നാലെയാണ് ഗോസിപ്പുകള്‍ എത്താന്‍ ആരംഭിച്ചത്. സീതാരാമം എന്ന ചിത്രത്തിലെ അഭിനയ മികവിന് മൃണാളിന് മികച്ച വനിതാ നടനുള്ള പുരസ്‌കാരം സമ്മാനിച്ചാണ് അല്ലു അഅല്ലു അരവിന്ദ് സംസാരിച്ചത്.
”മൃണാള്‍ വിവാഹം കഴിഞ്ഞ് ഹൈദരാബാദില്‍ സ്ഥിരതാമസമാക്കാനാണ് ഞാന്‍ ആഗ്രഹിക്കുന്നത്” എന്നായിരുന്നു തമാശയോടെ അല്ലു അരവിന്ദ് പറഞ്ഞത്. ഇത് തെലുങ്കു മാധ്യമങ്ങള്‍ ഏറ്റെടുക്കുകയായിരുന്നു. മൃണാള്‍ ഒരു തെലുങ്ക് നടനുമായി പ്രണയത്തിലാണെന്നും ഉടന്‍ വിവാഹം ഉണ്ടാകും എന്ന വാര്‍ത്തകളാണ് പ്രചരിച്ചത്.
അഭ്യൂഹങ്ങള്‍ പ്രചരിക്കാന്‍ തുടങ്ങിയതോടെ വിശദീകരണവുമായി നടി രംഗത്തെത്തിയിട്ടുണ്ട്. ”നിങ്ങളുടെ ഹൃദയം വേദനിപ്പിക്കുന്നതില്‍ ക്ഷമ ചോദിക്കട്ടെ. ഒപ്പം കഴിഞ്ഞ മണിക്കൂറുകളില്‍ എന്നെ വിളിച്ച ഫാമിലി അംഗങ്ങള്‍, ഡിസൈനര്‍മാര്‍, സ്റ്റെലിസ്റ്റ് എല്ലാവരും ആരാണ് ആ തെലുങ്ക് പയ്യന്‍ എന്ന് ചോദിക്കുന്നു.”
Read more
”ശരിക്കും ആരാണ് അത് എനിക്കും അറിയാന്‍ താല്‍പ്പര്യമുണ്ട്. ക്ഷമിക്കണം ഇതൊക്കെ വെറും അഭ്യൂഹങ്ങളാണ്. എനിക്ക് ഒരു അനുഗ്രഹം കിട്ടി അത്രയെ ഉള്ളൂ. ഈ ഗോസിപ്പ് എന്ത് കോമഡിയാണെന്നാണ് ഞാനിപ്പോള്‍ ആലോചിക്കുന്നത്. പക്ഷെ എനിക്ക് ഉടന്‍ വിവാഹം കഴിക്കണം. വേഗം എനിക്കൊരു പയ്യനെ കണ്ടുപിടിച്ച് ലൊക്കേഷന്‍ അയച്ച് താ” എന്നാണ് മൃണാള്‍ തമാശയോടെ പറയുന്നത്.
