അങ്കമാലി വിശ്വജ്യോതി പബ്ലിക് സ്കൂളിലെ ഹൈസ്കൂൾ വിദ്യാർത്ഥികൾ ചേർന്നൊരുക്കിയ ഹ്രസ്വ ചിത്രം ശ്രദ്ധനേടുന്നു. ഫ്രെസ്കോ ഇന്റർ സ്കൂൾ കോമ്പറ്റീഷന്റെ ഭാഗമായുള്ള ഷോർട്ട് ഫിലിം മത്സരത്തിൽ രണ്ടാം സ്ഥാനം കരസ്ഥമാക്കിയ ‘മൈ സ്റ്റുഡന്റ് ഹൂ ടോട്ട് മീ’ ( My Student Who Taught Me) എന്ന ഹ്രസ്വ ചിത്രം സംവിധാനം ചെയ്തിരിക്കുന്നത് പത്താം ക്ലാസ് വിദ്യാർത്ഥിയായ ദേവ് കൃഷ്ണയാണ്.
അനുകമ്പ എന്ന വികാരത്തെ മുൻനിർത്തി ഒരു അധ്യാപികയും വിദ്യാർത്ഥിനിയും തമ്മിലുള്ള ബന്ധവും, മനുഷ്യരുടെ തിരിച്ചറിവുകളും തിരുത്തലുകളുമാണ് കേവലം പത്ത് മിനിറ്റുള്ള ചിത്രത്തിന്റെ പ്രമേയം. ഏതൊരു മനുഷ്യന്റെ ഉള്ളിലും വലിയ മാറ്റങ്ങളും തിരിച്ചറിവുകളുമുണ്ടാവാൻ, മറ്റൊരു മനുഷ്യന്റെ ചെറിയൊരു പ്രവൃത്തി തന്നെ ധാരാളമാണെന്ന് ചിത്രത്തിലൂടെ കുട്ടികൾ പറഞ്ഞുവെക്കുന്നു.
നേഹ ഷിബു, എൽവിൻ ഷാന്റോ, ടെസ്സ റോസ് എന്നിവർ മുഖ്യകഥാപാത്രങ്ങളായി വേഷമിട്ടിരിക്കുന്ന ചിത്രത്തിന്റെ തിരക്കഥ രചിച്ചിരിക്കുന്നത് സ്വർണ്ണ ബെന്നിയാണ്. ആഷ്ലിൻ സെബാസ്റ്റ്യൻ, ഹെറോൾഡ് ഷോൺ, ദേവ് കൃഷ്ണ എന്നിവർ ചേർന്നാണ് ചിത്രത്തിന് സംഗീതം നിർവഹിച്ചിരിക്കുന്നത്.
കഥ, സംവിധാനം- ദേവ് കൃഷ്ണ. പ്രൊഡക്ഷൻ ഡിസൈൻ- അലൻ ഗ്രീൻസ്. തിരക്കഥ, സഹ സംവിധാനം- സ്വർണ്ണ ബെന്നി. ഛായാഗ്രഹണം& എഡിറ്റിംഗ്- ദേവ് കൃഷ്ണ, ജേക്കബ് നെവിൽ, അലൻ ഗ്രീൻസ്. കളർ ഗ്രേഡിംഗ് & വിഷ്വൽ ഇഫക്ട്സ്- അക്ഷയ് ജയകുമാർ, അലൻ ഗ്രീൻസ്. പ്രോജക്ട് സൂപ്പർവിഷൻ- ബോബി മാത്യു, പ്രേമ മാത്യു, രശ്മി. ബി