തെന്നിന്ത്യന്‍ താരങ്ങളായ നരേഷും പവിത്ര ലോകേഷും വിവാഹിതരായി. സിനിമാ സെറ്റില്‍ വച്ചാണ് ഇരുവരും പ്രണയത്തിലായത്. നരേഷിന്റെ നാലാമത്തേതും പവിത്രയുടെ മൂന്നാമത്തെ വിവാഹവുമാണിത്.
അതേസമയം, തന്റെ മൂന്നാം ഭാര്യ രമ്യ രഘുപതിയില്‍ നിന്ന് നരേഷ് ഇതുവരെ നിയമപരമായി വിവാഹമോചനം നേടിയിട്ടില്ലെന്നാണ് റിപ്പോര്‍ട്ടുകള്‍. ആദ്യ വിവാഹം പരാജയപ്പെട്ടതിനെ തുടര്‍ന്നാണ് നരേഷ് രേഖ സുപ്രിയയെ വിവാഹം കഴിച്ചത്.
ഈ ബന്ധത്തില്‍ നവീന്‍ വിജയ് കൃഷ്ണ, തേജസ്വി കൃഷ്ണ എന്നീ രണ്ട് ആണ്‍മക്കളുണ്ട്. രണ്ടാം വിവാഹം പരാജയപ്പെട്ടതോടെ നരേഷ് രമ്യയെ വിവാഹം കഴിച്ചു. വിവാഹമോചനക്കേസ് നടന്നുകൊണ്ടിരിക്കുന്നതിനിടെയാണ് നാലാം വിവാഹം.
ട്വിറ്റര്‍ അക്കൗണ്ടിലൂടെയാണ് നരേഷ് വിവാഹ വീഡിയോ പങ്കുവെച്ചത്. ‘ഞങ്ങളുടെ ഈ പുതിയ യാത്രയില്‍ സമാധാനവും സന്തോഷവും നിറഞ്ഞ ജീവിതത്തിന് നിങ്ങളുടെ അനുഗ്രഹങ്ങള്‍ തേടുന്നു’ ട്വിറ്ററില്‍ നരേഷ് കുറിച്ചു. മുമ്പ് ഒരു സോഫ്റ്റ്വെയര്‍ എഞ്ചിനീയറെ വിവാഹം കഴിച്ച പവിത്ര പിന്നീട് കന്നഡ സിനിമാ നടന്‍ സുചേന്ദ്ര പ്രസാദിനോടൊപ്പം ലിവിംഗ് ടുഗെദറിലായിരുന്നു.