നെറ്റ്ഫ്‌ളിക്‌സ് ഡോക്യുമെന്ററിയുമായി ബന്ധപ്പെട്ട വിവാദങ്ങള്‍ക്കിടെ ഒരേ ചടങ്ങിലെത്തി നയന്‍താരയും ധനുഷും. നിര്‍മ്മാതാവ് ആകാശ് ഭാസ്‌കരന്റെ വിവാഹത്തില്‍ പങ്കെടുക്കാനായാണ് ധനുഷും നയന്‍താരയും എത്തിയത്. ധനുഷ് സംവിധാനം ചെയ്യുന്ന പുതിയ ചിത്രമായ ‘ഇഡ്ലി കട’യുടെ നിര്‍മ്മാതാവ് കൂടിയാണ് ആകാശ്.
വിഘ്‌നേഷ് ശിവനൊപ്പമാണ് നയന്‍താര എത്തിയത്. ഇവര്‍ എത്തുമ്പോള്‍ സദസിന്റെ മുന്‍നിരയില്‍ ധനുഷും ഉണ്ടായിരുന്നു. ചടങ്ങില്‍ ധനുഷ് ഇരുന്നതിന് തൊട്ടടുത്ത ഇരിപ്പിടത്തില്‍ മുന്‍നിരയില്‍ തന്നെയാണ് നയന്‍താരയും ഇരുന്നത്. എന്നാല്‍ ഇരുവരും പരസ്പരം മുഖം കൊടുത്തില്ല.
Video of #Dhanush & #Nayanthara @ Producer #Aakash marriage event pic.twitter.com/QFKOsFj1Fu
— Sathish Kumar M (@sathishmsk) November 21, 2024
ശിവകാര്‍ത്തികേയന്‍, അനിരുദ്ധ് എന്നിവരും വിവാഹത്തില്‍ പങ്കെടുക്കാന്‍ എത്തിയിരുന്നു. നയന്‍താര-ധനുഷ് യുദ്ധം നടക്കുന്നതിനിടെ ഇരുവരെയും ഒരുമിച്ചു കണ്ടതിന്റെ ആവേശത്തിലായിരുന്നു ആരാധകര്‍. അതുകൊണ്ട് തന്നെ വിവാഹച്ചടങ്ങുകളിലെ ഇവരുടെ വീഡിയോ സോഷ്യല്‍ മീഡിയയില്‍ വൈറലായിട്ടുണ്ട്.
Sivakarthikeyan, Anirudh and Nayanthara at #Akashbaskaran Weeding (Producer of Dhanush’s #IdliKadai ) pic.twitter.com/NbjXKZjHZC
— Talks Tamil (@TamilTalks96) November 21, 2024
അതേസമയം, നയന്‍താര: ബിയോണ്ട് ദ ഫെയ്‌റി ടെയ്ല്‍ എന്ന ഡോക്യുമെന്ററിയില്‍ ധനുഷ് നിര്‍മ്മിച്ച ‘നാനും റൗഡി താന്‍’ ചിത്രത്തിലെ സീനുകള്‍ ഉപയോഗിച്ചതിനെ തുടര്‍ന്ന് 10 കോടി രൂപ നഷ്ടപരിഹാരം ആവശ്യപ്പെട്ട് ധനുഷ് രംഗത്തെത്തിയിരുന്നു. ഇതിന് പിന്നാലെ നയന്‍താര ധനുഷിനെതിരെ ആരോപണങ്ങള്‍ ഉന്നയിച്ച് തുറന്ന കത്ത് പങ്കുവയ്ക്കുകയായിരുന്നു.
മൂന്ന് സെക്കന്‍ഡ് ദൃശ്യങ്ങള്‍ക്കാണ് ധനുഷ് 10 കോടി രൂപ നഷ്ടപരിഹാരം ആവശ്യപ്പെട്ടത്. നയന്‍താരയുടെ 40-ാം ജന്മദിനത്തില്‍ പുറത്തിറങ്ങിയ ഡോക്യുമെന്ററിയില്‍ സിനിമയിലെ ദൃശ്യങ്ങള്‍ ഉപയോഗിച്ചിട്ടുണ്ട്. ഈ വിവാദം ഇനിയും കെട്ടടങ്ങിയിട്ടില്ല.
