ഗോവയില്‍ പിറന്നാള്‍ ആഘോഷമാക്കി നടി സാനിയ അയ്യപ്പന്‍. തന്റെ 22-ാം പിറന്നാളാണ് ഗോവയില്‍ കേക്ക് മുറിച്ച് സാനിയ ആഘോഷിച്ചത്. താരത്തിനൊപ്പം അടുത്ത സുഹൃത്തുക്കളും ആഘോഷത്തില്‍ പങ്കുചേര്‍ന്നിരുന്നു. എന്നാല്‍ കടുത്ത രീതിയിലുള്ള സൈബര്‍ ആക്രമണമാണ് നടിക്കെതിരെ നടന്നു കൊണ്ടിരിക്കുന്നത്.
സാനിയയുടെ വസ്ത്രധാരണമാണ് പലരെയും ചൊടിപ്പിച്ചത്. അശ്ലീലച്ചുവയുള്ള കമന്റുകളാണ് സാനിയ പങ്കുവച്ച ചിത്രങ്ങള്‍ക്ക് താഴെ എത്തിയിരിക്കുന്നത്. പിറന്നാളിന് തിരഞ്ഞെടുത്ത ഈ വസ്ത്രവും ഇത്തരക്കാര്‍ക്കുള്ള മറുപടിയാണ് എന്നാണ് നടിയുടെ ആരാധകര്‍ പറയുന്നത്.
അഹാന കൃഷ്ണ, ഷോണ്‍ റോമി എന്നീ താരങ്ങളും സാനിയയുടെ ചിത്രത്തിന് താഴെ കമന്റുമായി എത്തിയിരിക്കുന്നത്. വളരെയധികം ഹോട്ട് ആയിരിക്കുന്നു എന്നാണ് അഹാന കമന്റ് ചെയ്തത്. നടിക്കെതിരെ എത്തുന്ന വിമര്‍ശനങ്ങളോട് പ്രതികരിച്ച് സാനിയയുടെ ആരാധകരും രംഗത്തെത്തുന്നുണ്ട്.
മലയാളികള്‍ അംഗീകൃത ഞരമ്പന്‍മാരോ എന്ന് ചോദിച്ചു കൊണ്ടുള്ള കമന്റുകള്‍ വരെ എത്തിയിട്ടിണ്ട്. അതേസമയം, എമ്പുരാന്‍ എന്ന പൃഥ്വിരാജ് ചിത്രമാണ് സാനിയയുടെതായി ഒരുങ്ങി കൊണ്ടിരിക്കുന്നത്. ഇരുഗപട്രു എന്ന തമിഴ് ചിത്രമാണ് സാനിയയുടെതായി ഒടുവില്‍ തിയേറ്ററിലെത്തിയ സിനിമ.