നിഖില വിമല്‍ നായികയാകുന്ന ‘പെണ്ണ് കേസ്’ എന്ന പുതിയ ചിത്രത്തിന്റെ ടൈറ്റില്‍ പോസ്റ്റര്‍ പുറത്ത്. നവാഗതനായ ഫെബിന്‍ സിദ്ധാര്‍ത്ഥ് ആണ് ചിത്രത്തിന്റെ സംവിധാനം. ഗുരുവായൂരമ്പല നടയില്‍, നുണക്കുഴി എന്നീ ഹിറ്റ് സിനിമകള്‍ക്ക് ശേഷം നിഖില വിമല്‍ കേന്ദ്ര കഥാപാത്രമാകുന്ന ചിത്രമാണ് പെണ്ണ് കേസ്.
ഒരു കല്യാണ പെണ്ണിനും ചെക്കനും പിന്നാലെ ഒരുകൂട്ടം ആളുകള്‍ ഓടുന്നതാണ് പോസ്റ്ററിലുള്ളത്. ഒരു കോമഡി ചിത്രമാകും ഇത് എന്ന സൂചനയാണ് പോസ്റ്റര്‍ നല്‍കുന്നത്. ഇ 4 എക്‌സ്പിരിമെന്റസ്, ലണ്ടന്‍ ടാക്കീസ് എന്നിവയുടെ ബാനറില്‍ മുകേഷ് ആര്‍ മേത്ത, രാജേഷ് കൃഷ്ണ, സി വി സാരഥി എന്നിവരാണ് ചിത്രം നിര്‍മ്മിക്കുന്നത്.
സിനിമയുടെ ചിത്രീകരണം കണ്ണൂരിലും പരിസര പ്രദേശങ്ങളിലുമായ് ഡിസംബറില്‍ ആരംഭിക്കും. ഫെബിന്‍ സിദ്ധാര്‍ഥും രശ്മി രാധാകൃഷ്ണനും ചേര്‍ന്നാണ് തിരക്കഥ തയ്യാറാക്കിയത്. ജ്യോതിഷ് എം, സുനു വി, ഗണേഷ് മലയത്ത് എന്നിവരുടെതാണ് സംഭാഷണങ്ങള്‍. കഥ സംവിധാകന്റേത് തന്നെയാണ്.
‘ഗുരുവായൂരമ്പല നടയില്‍’ന് ശേഷം ഇ ഫോര്‍ എന്റര്‍ടെയ്ന്‍മെന്റ്‌സും ലണ്ടണ്‍ ടാക്കീസും വീണ്ടും ഒന്നിക്കുന്ന സിനിമയാണിത്. ‘ഭഗവാന്‍ ദാസന്റെ രാമരാജ്യം’ എന്ന ചിത്രത്തിന് ശേഷം ഫെബിന്‍ സിദ്ധാര്‍ഥ് തിരക്കഥ രചിച്ച ചിത്രമാണ് പെണ്ണ് കേസ്. ഷിനോസ് ആണ് ഛായാഗ്രാഹകന്‍. എഡിറ്റിങ് സരിന്‍ രാമകൃഷ്ണന്‍ ആണ്.
കലാസംവിധാനം: അര്‍ഷദ് നക്കോത്ത്, വസ്ത്രാലങ്കാരം: അശ്വതി ജയകുമാര്‍, പ്രൊഡക്ഷന്‍ കണ്‍ട്രോളര്‍: ജിനു പികെ, ചീഫ് അസോസിയേറ്റ്: ആസിഫ് കുറ്റിപ്പുറം, പ്രൊമോഷന്‍ കണ്‍സല്‍ട്ടന്റ്: വിപിന്‍ കുമാര്‍, ഡിജിറ്റല്‍ പ്രൊമോഷന്‍സ്: 10ജി മീഡിയ, ടൈറ്റില്‍ പോസ്റ്റര്‍: നിതിന്‍ കെപി.