നിവിന്‍ പോളി നായകനാകുന്ന ‘പടവെട്ട്’ ചിത്രത്തിന്റെ ഓഡിയോ ലോഞ്ച് നാളെ തിരുവനന്തപുരം ലുലു മാളില്‍ നടക്കും. വൈകീട്ട് 6 മണിക് നടക്കുന്ന ചടങ്ങില്‍ നിവിനൊപ്പം ചിത്രത്തിന്റെ അണിയറ പ്രവര്‍ത്തകരും പങ്കെടുക്കും. പ്രശസ്ത മ്യൂസിക് ബാന്‍ഡ് ആയ തൈക്കുടം ബ്രിഡ്ജ് ഒരുക്കുന്ന സംഗീതനിശയും ഉണ്ടാകും.
ഒക്ടോബര്‍ 21ന് ആണ് പടവെട്ട് റിലീസിന് ഒരുങ്ങുന്നത്. സണ്ണി വെയിന്‍ പ്രൊഡക്ഷന്‍സിന്റെ സഹകരണത്തില്‍ സാരിഗമ നിര്‍മ്മിക്കുന്ന ചിത്രം എഴുതി സംവിധാനം ചെയ്യുന്നത് ലിജു കൃഷ്ണന്‍ ആണ്. അദിതി ബാലന്‍, ഷമ്മി തിലകന്‍, ഷൈന്‍ ടോം ചാക്കോ, ഇന്ദ്രന്‍സ് എന്നിവര്‍ മറ്റ് പ്രധാന വേഷങ്ങളിലെത്തും.
ഒക്ടോബര്‍ 7ന് ഐഎസ്എല്‍ വേദിയിലാണ് ചിത്രത്തിന്റെ ട്രെയ്‌ലര്‍ പുറത്തുവിട്ടത്. സ്വന്തം ഗ്രാമത്തിലെ സാധരണക്കാരുടെ പ്രശ്നത്തില്‍ ഇടപെടുകയും അവരുടെ പോരാട്ടത്തിന്റെ തന്നെ മുന്നണി പോരാളിയാവുകയും ചെയ്ത നാട്ടിന്‍ പുറത്തെ സാധാരണക്കാരനായിട്ടാണ് നിവിന്‍ ചിത്രത്തില്‍ എത്തുന്നത്.
ഛായാഗ്രഹണം – ദീപക് ഡി മേനോന്‍, എഡിറ്റിംഗ് – ഷഫീഖ് മുഹമ്മദ് അലി, സംഗീതം – ഗോവിന്ദ് വസന്ത, ക്രീയേറ്റീവ് പ്രൊഡ്യൂസര്‍ – അഭിജിത്ത് ദേബ്, ആര്‍ട്ട് – സുഭാഷ് കരുണ്‍, സൗണ്ട് ഡിസൈന്‍ – രംഗനാഥ് രവീ, ലിറിക്‌സ് – അന്‍വര്‍ അലി, മേക്കപ്പ് – റോണെക്‌സ് സേവ്യര്‍, കോസ്റ്റ്യൂം ഡിസൈനര്‍ – മഷര്‍ ഹംസ.
