‘മണി ഹീസ്റ്റ്’ തീമില്‍ വിസ്മയിപ്പിച്ച് നിവിന്‍ പോളി ചിത്രം ‘രാമചന്ദ്ര ബോസ് ആന്‍ഡ് കോ’യിലെ ലുക്ക് പോസ്റ്ററുകള്‍. മണി ഹീസ്റ്റിലെ താരങ്ങളുടെ ലുക്കിലുള്ള രാമചന്ദ്ര ബോസ് ആന്‍ഡ് കോ താരങ്ങളുടെ ചിത്രങ്ങളാണ് സോഷ്യല്‍ മീഡിയയില്‍ ശ്രദ്ധ നേടിക്കൊണ്ടിരിക്കുന്നത്.
നിവിന്‍ പോളി പ്രൊഫസര്‍ ആയപ്പോള്‍ വിജിലേഷ് കരയാട് ആണ് റിയോ ആയി എത്തുന്നത്. ഹെല്‍സിങ്കി ആയി ജാഫര്‍ ഇടുക്കി, ടോക്കിയോ ആയി മമിത ബൈജു, ബെര്‍ലിന്‍ ആയി വിനയ് ഫോര്‍ട്ട്, നെയ്‌റോബി ആയി ആര്‍ഷ ബൈജു, ഡെന്‍വര്‍ ആയി ശ്രീനാഥ് ബാബു എന്നീ പോസ്റ്ററുകളാണ് എത്തിയിരിക്കുന്നത്.
ഹനീഫ് അദേനി സംവിധാനം ചെയ്യുന്ന ഈ ചിത്രം ‘ഒരു പ്രവാസി ഹീസ്റ്റ്’ എന്ന ടാഗ് ലൈനോടെയാണ് എത്തുന്നത്. ഓണം റിലീസ് ആയാണ് ചിത്രം തിയേറ്ററുകളില്‍ എത്തുന്നത്. യുഎഇയിലും കേരളത്തിലുമായാണ് ചിത്രത്തിന്റെ ഷൂട്ടിംഗ് നടന്നത്.
മാജിക് ഫ്രെയിംസും പോളി ജൂനിയര്‍ പിക്‌ചേഴ്സും ചേര്‍ന്നാണ് രാമചന്ദ്ര ബോസ്സ് & കോ നിര്‍മ്മിക്കുന്നത്. വിഷ്ണു തണ്ടാശേരിയാണ് ഛായാഗ്രഹണം. പ്രൊഡക്ഷന്‍ ഡിസൈന്‍ – സന്തോഷ് രാമന്‍, എഡിറ്റിംഗ് – നിഷാദ് യൂസഫ്, മ്യൂസിക് – മിഥുന്‍ മുകുന്ദന്‍, ലിറിക്‌സ് – സുഹൈല്‍ കോയ, എക്‌സിക്യൂട്ടീവ് പ്രൊഡ്യൂസര്‍ – പ്രവീണ്‍ പ്രകാശന്‍.