വൈറലായ ടീസറിന് പിന്നാലെ സൗബിന്‍ ഷാഹിര്‍ നായകനാകുന്ന അമ്പിളിയിലെ ആദ്യഗാനവും ശ്രദ്ധ നേടുന്നു. “ഞാന്‍ ജാക്‌സണല്ലെടാ” എന്ന് തുടങ്ങുന്ന ഗാനം യൂട്യൂബ് ട്രെന്‍ഡിംഗ് ലിസ്റ്റില്‍ മൂന്നാമതാണ്. ടീസറില്‍ തന്നെ ശ്രദ്ധിക്കപ്പെട്ടിരുന്ന ഈ ഗാനത്തിന് വരികളെഴുതിയിരിക്കുന്നത് വിനായക് ശശികുമാറാണ്. ആന്റണി ദാസന്റേതാണ് ആലാപനം. വിഷ്ണു വിജയാണ് സംഗീതസംവിധായകന്‍.
അമ്പിളിയുടെ ടീസറിന് സിനിമാരംഗത്തുനിന്നും പ്രേക്ഷകരില്‍ നിന്നും മികച്ച പ്രതികരണമാണ് ലഭിച്ചത്. ഗപ്പിയ്ക്ക് ശേഷം ജോണ്‍ പോള്‍ സംവിധാനം ചെയ്യുന്ന ചിത്രമാണിത്.
ദേശീയ സൈക്ലിംഗ് ചാംപ്യനായ ബോബിക്ക് സ്വീകരണമൊരുക്കുന്ന അമ്പിളിയുടെയും നാട്ടുകാരുടെയും കഥയാണ് സിനിമ പറയുന്നത്. പുതുമുഖമായ തന്‍വി റാം ആണ് നായിക. നസ്രിയയുടെ സഹോദരനും സിനിമയില്‍ പ്രധാനവേഷത്തിലുണ്ട്.