വസ്ത്ര ധാരണത്തിന്റെ പേരില്‍ സോഷ്യല്‍മീഡിയയില്‍ രൂക്ഷമായ സൈബര്‍ ആക്രമണത്തിന് വിധേയരായിരിക്കുകയാണ് നടിമാരായ അനിഖയും അനശ്വരയും. കഴിഞ്ഞ ദിവസം അനിഖ സുരേന്ദ്രന്‍ ആദ്യമായി നായികയായി എത്തുന്ന ഓ മൈ ഡാര്‍ലിങ് എന്ന ചിത്രത്തിന്റെ പൂജ കൊച്ചിയില്‍ നടന്നിരുന്നു.
മൈക്ക് എന്ന പുതിയ ചിത്രത്തിന്റെ പ്രൊമോഷന്‍ പരിപാടിക്കായി അനശ്വര രാജനും കൊച്ചിയില്‍ എത്തിയിരുന്നു. ഈ പരിപാടികളിലെ നടിമാരുടെ വസ്ത്രധാരണമാണ് സൈബര്‍ സദാചാരവാദികള്‍ക്ക് രസിക്കാത്തത്.
‘സംസ്‌കാര സമ്പന്നമായ കേരളത്തില്‍ ഇത്തരം വേഷഭൂഷാദികള്‍ ഒട്ടും നന്നല്ല സുഹൃത്തേ’ എന്നാണ് ഒരാള്‍ നടിമാരുടെ ചിത്രത്തിന് താഴെ കമന്റ് ചെയ്തിരിക്കുന്നത്. ‘കുറച്ചുകൂടി സഭ്യമായ വസ്ത്ര അലങ്കാരം നന്നായിരുന്നു, മോളെ ഇതൊന്നും ശരിയല്ല ഇങ്ങനെ ആകരുത് കുട്ടികള്‍, പ്രേക്ഷകര്‍ നല്ല ഡ്രസ്സ് ഇട്ടാണ് നിങ്ങളെ കാണാന്‍ ആഗ്രഹിക്കുന്നത്’, ഇങ്ങനെ പോകുന്നു സോഷ്യല്‍ മീഡിയ കമന്റുകള്‍. ഇതിനോടൊപ്പം തന്നെ വളരെ മോശമായ കമന്റുകളും പ്രതികരണങ്ങളും വന്നിട്ടുണ്ട്.
അതേസമയം, ഇരുവരും ഇതിനോട് പ്രതികരിച്ചിട്ടില്ല. അനശ്വര രാജന്‍ നായികയായി എത്തുന്ന മൈക്ക് തിയേറ്ററില്‍ റിലീസ് ചെയ്തിരിക്കുകയാണ്. ബോളിവുഡ് താരം ജോണ്‍ എബ്രഹാമാണ് ചിത്രം നിര്‍മ്മിക്കുന്നത്. ഓ മൈ ഡാര്‍ളിങ്ങാണ് അനിഖയുടേതായി അണിയറയില്‍ ഒരുങ്ങുന്ന ചിത്രം.
