ബാബു ആന്റണിയെ നായകനാക്കി “പവര്‍ സ്റ്റാര്‍” എന്ന ചിത്രമൊരുക്കുകയാണ് സംവിധായകന്‍ ഒമര്‍ ലുലു. ബാബുരാജ്, അബു സലിം, റിയാസ് ഖാന്‍, ഹോളിവുഡ് താരം ലൂയിസ് മാന്‍ഡിലോര്‍ എന്നിവര്‍ പ്രധാന കഥാപാത്രങ്ങളാകുന്ന ചിത്രത്തില്‍ നായികമാരില്ല. പവര്‍ സ്റ്റാറിനായി കാത്തിരിക്കുന്ന ഒരു ആരാധകന്റെ കമന്റാണ് സംവിധായകന്‍ ഇപ്പോള്‍ പങ്കുവച്ചിരിക്കുന്നത്.
“”ഇക്ക പവര്‍ സ്റ്റാര്‍ കാണാന്‍ പറ്റാതെ ഞാന്‍ മരിക്കുകയാണെങ്കില്‍ എന്റെ കുഴിമാടത്തിനടുത്തു ഡിവിഡി കൊണ്ടു വന്നിടണം”” എന്ന കമന്റാണ് ഒമര്‍ ലുലു പങ്കുവെച്ചിരിക്കുന്നത്. അര്‍ജുന്‍ എസ്. എന്‍. എന്ന അക്കൗണ്ടില്‍ നിന്നെത്തിയ കമന്റിന്റെ സ്‌ക്രീന്‍ ഷോട്ട് ആണ് ഒമര്‍ ലുലു പങ്കുവെച്ചിരിക്കുന്നത്.
“”രാവിലെ തന്നെ മോനൂസ് സാഡ് ആക്കി”” എന്നാണ് ഒമര്‍ ലുലു കമന്റിന് ക്യാപ്ഷനായി കുറിച്ചിരിക്കുന്നത്. രസകരമായ കമന്റുകളാണ് ഈ പോസ്റ്റിന് ലഭിക്കുന്നത്. നായികയും പാട്ടുമില്ല ഇടി മാത്രം എന്ന് വ്യക്തമാക്കുന്നതാണ് ചിത്രത്തിന്റെ ടാഗ്‌ലൈന്‍.
ആക്ഷന്‍ ത്രില്ലര്‍ വിഭാഗത്തില്‍ പെടുത്തി ഒരുക്കുന്ന ചിത്രം ഒമര്‍ ലുലുവിന്റെ ഇതുവരെയുള്ള സിനിമകളില്‍ നിന്നും തീര്‍ത്തും വ്യത്യസ്തമായ ജോണറിലാണ് ഒരുങ്ങുന്നത്. ഹാപ്പി വെഡ്ഡിംഗ്, ചങ്ക്‌സ്, ഒരു അഡാര്‍ ലവ്, ധമാക്ക എന്നീ ചിത്രങ്ങള്‍ ഒരുക്കിയാണ് ഒമര്‍ ലുലു ശ്രദ്ധേയനായത്.