സന്തോഷ് വിശ്വനാഥ് സംവിധാനം ചെയ്ത മമ്മൂട്ടി ചിത്രം വൺ മാര്‍ച്ച് 26നാണ് റിലീസ് ചെയ്തത്. ഇപ്പോഴിതാ ആ പ്രശ്‌നത്തിന് പരിഹാരമായി നെറ്റ്ഫ്‌ളിക്‌സില്‍ നാളെ മുതല്‍ വണ്‍ എത്തുകയാണ്
ഇന്ന് രാത്രി 12 മണിയോടെ തന്നെ ചിത്രം നെറ്റ്ഫ്‌ളിക്‌സില്‍ പ്രേക്ഷകര്‍ക്ക് കാണാന്‍ സാധിക്കും. നെറ്റ്ഫ്‌ളിക്‌സിന്റെ ഒഫീഷ്യല്‍ വെബ്സൈറ്റില്‍ ചിത്രം ഏപ്രില്‍ 27 ചൊവ്വാഴ്ച സ്ട്രീം ചെയ്യുന്നു എന്ന വിവരം കൊടുത്തിട്ടുണ്ട്.
ചിത്രത്തിന് തിയേറ്ററുകളില്‍ നിന്ന് മികച്ച പ്രതികരണമാണ് ലഭിച്ചത്. ചിത്രം മുന്നോട്ടുവെയ്ക്കുന്ന ആശയത്തെ കുറിച്ചും മമ്മൂട്ടി, മുരളി ഗോപി തുടങ്ങിയവരുടെ അഭിനയത്തെ കുറിച്ചും മികച്ച അഭിപ്രായം തന്നെയാണ് പ്രേക്ഷകര്‍ നല്‍കിയത്.
ചിത്രത്തിന്റെ തിരക്കഥ ബോബി സഞ്ജയ്യാണ് നിര്‍വ്വഹിച്ചത്. മുരളി ഗോപി, ജോജു ജോര്‍ജ്, നിമിഷ സജയന്‍ എന്നിവരാണ് മറ്റ് പ്രധാന കഥാപാത്രങ്ങള്‍. ഗോപി സുന്ദര്‍ സംഗീത സംവിധാനം ചെയ്ത ചിത്രത്തിന്റെ ഛായാഗ്രഹണം വൈദി സോമസുന്ദരമാണ് നിര്‍വ്വഹിച്ചത്.
ചിത്രം 2020 ഏപ്രിലിലാണ് റിലീസ് ചെയ്യാനിരുന്നത്. കോവിഡ് മൂലം ചിത്രത്തിന്റെ റിലീസ് നീട്ടിവെയ്ക്കുകയായിരുന്നു.