ടെലിവിഷൻ പരിപാടികളിലൂടെ അവതാരകനായി തൻ്റെ കരിയർ ആരംഭിച്ച് ചെറിയ വേഷങ്ങളിലൂടെ മലയാള സിനിമയിലേക്ക് വന്ന നടനാണ് പ്രശാന്ത് അലക്സാണ്ടർ. 2002ൽ കമൽ സംവിധാനം ചെയ്‌ത നമ്മൾ എന്ന സിനിമയിലൂടെയാണ് പ്രശാന്ത് തൻ്റെ സിനിമാ കരിയർ ആരംഭിക്കുന്നത്. ഇപ്പോഴിതാ തരാം ഒരു ചാനലിന് നൽകിയ അഭിമുഖത്തിലെ തുറന്ന് പറച്ചിലുകളാണ് ചർച്ചയാകുന്നത്.
മലയാളം ഇൻഡസ്ട്രി കുറച്ച് കൂടി പ്രൊഫഷണൽ ആകണമെന്നാണ് പ്രശാന്ത് അലക്സാണ്ടർ പറയുന്നത്. റിപ്പോർട്ടർ ചാനലിനോടായിരുന്നു താരത്തിന്റെ പ്രതികരണം. കരിയറിന്റെ തുടക്കകാലത്ത് പല തവണ പറഞ്ഞ ശമ്പളം കിട്ടാതെയും അല്ലെങ്കിൽ ശമ്പളം പറയാതെ ഇരിക്കുകയും ചെയ്തിട്ടുണ്ടെന്ന് താരം പറയുന്നു. എന്റെ ശമ്പളം ഞാൻ ചോദിക്കാറുണ്ട് അപ്പോൾ സിനിമയിൽ മുന്നോട്ട് പോകണമെങ്കിൽ അങ്ങനെയൊക്കെ ചോദിക്കാതെ ഇരിക്കുന്നതാണ് നല്ലതെന്ന് കൂടെ ജോലി ചെയ്യുന്നവർ പറയും.
നമ്മുടെ ഇൻഡസ്ട്രി പല കാര്യങ്ങളിലും കുറച്ച് കൂടി പ്രൊഫഷണൽ ആകേണ്ടിയിരിക്കുന്നു എന്നും പ്രശാന്ത് അലക്സാണ്ടർ പറയുന്നു. പൈസ ചോദിച്ചുകൊണ്ടിരുന്നാൽ ശല്യക്കാരാണെന്ന് പറഞ്ഞു നമ്മളെ ഒഴിവാക്കിയേക്കാം. ഇപ്പോഴും അത് അനുഭവിക്കുന്ന ആളുകൾ ഉണ്ടാകാം. നമ്മുടെ ഇൻഡസ്ട്രി പല കാര്യങ്ങളിലും കുറച്ച് കൂടി പ്രൊഫഷണൽ ആകേണ്ടിയിരിക്കുന്നു. അങ്ങനെ ആകണമെങ്കിൽ നിർമാതാവിന് സേഫ്റ്റി എന്ന കാര്യം ഫീൽ ചെയ്യണം. അതിന് വേണ്ടിയാണ് ആദ്യത്തെ പഠനങ്ങളും ശ്രമങ്ങളും നടക്കേണ്ടതെന്നും പ്രശാന്ത് അലക്സാണ്ടർ പറഞ്ഞു.