സിനിമയില്‍ അഭിനയിക്കാനായി മാത്രമല്ല, വേണ്ടി വന്നാല്‍ മുണ്ടുടുത്ത് പറമ്പില്‍ ഇറങ്ങി കിളയ്ക്കാനും പത്മപ്രിയയ്ക്ക് അറിയാം. വീടിനരികില്‍ കൃഷി ചെയ്യാനായി മണ്ണിലിറങ്ങിയ പത്മപ്രിയയുടെ വീഡിയോ ആണ് ആരാധകര്‍ ഏറ്റെടുത്തിരിക്കുന്നത്.
വീടിന്റെ പുറകുവശത്ത് പൂന്തോട്ടം ഒരുക്കാനാണ് പത്മപ്രിയ തൂമ്പയുമായി മണ്ണിലിറങ്ങിയത്. ഇത് നല്ലൊരു വ്യായാമം കൂടിയാണെന്ന് താരം പറയുന്നു. ഒരിടവേളയ്ക്കു ശേഷം അഭിനയത്തില്‍ വീണ്ടും സജീവമാകുകയാണ് പത്മപ്രിയ.
ബിജു മേനോന്‍ നായകനായി എത്തിയ ഒരു തെക്കന്‍ തല്ലുകേസിലാണ് നടി അവസാനം പ്രത്യക്ഷപ്പെട്ടത്. അഞ്ച് വര്‍ഷങ്ങള്‍ക്കു ശേഷം പത്മപ്രിയ അഭിനയിച്ച മലയാളചിത്രം കൂടിയായിരുന്നു ഇത്.