സോഷ്യല്‍ മീഡിയയില്‍ ഫോട്ടോ പങ്കുവച്ചാണ് തന്റെ കാമുകി തരിണിയെ നടന്‍ കാളിദാസ് ജയറാം പരിചയപ്പെടുത്തിയത്. മലയാളി പ്രേക്ഷകര്‍ക്ക് ഏറെ പ്രിയപ്പെട്ട താര കുടുംബമാണ് ജയറാം-പാര്‍വതിയുടെത്. കാളിദാസിനെ പോലെ തന്നെ മാളവികയും സിനിമയിലേക്ക് തന്നെ എത്തുമെന്നാണ് പ്രതീക്ഷിക്കുന്നത്.
കാളിദാസിന്റെ പ്രണയിനി തരിണിയുടെ പിറന്നാള്‍ ആഘോഷത്തിലാണ് താര കുടുംബം ഇന്ന്. തരിണിയ്ക്ക് പിറന്നാള്‍ ആശംസകള്‍ അറിയിച്ചു കൊണ്ടുള്ള ചിത്രമാണ് പാര്‍വതി ഷെയര്‍ ചെയ്തത്. ‘ഹൃദയം നിറഞ്ഞ പിറന്നാള്‍ ആശംസകള്‍’ എന്നാണ് പാര്‍വതി കുറിച്ചിരിക്കുന്നത്.
ചിത്രത്തില്‍ കാളിദാസ്, മാളവിക, പാര്‍വതി, തരിണി എന്നിവരെ കാണാം. ‘നന്ദി ആന്റി’ എന്ന് തരിണി മറുപടിയും നല്‍കിയിട്ടുണ്ട്. മാളവികയും തരിണിയ്ക്ക് ആശംസകള്‍ അറിയിച്ചിട്ടുണ്ട്. ‘എന്റെ അണ്‍ബയോളജിക്കല്‍ സിസ്റ്ററിന് ആശംസകള്‍’ എന്നാണ് തരിണിയ്‌ക്കൊപ്പമുള്ള ചിത്രം പങ്കുവച്ച് മാളവിക കുറിച്ചത്.
മോഡലും 2021-ലെ ലിവാ മിസ് ദിവാ റണ്ണറപ്പുമാണ് തരിണി കലിംഗരായര്‍. ഓണാഘോഷത്തോട് അനുബന്ധിച്ചാണ് കാളിദാസ് തരിണിയുടെ ചിത്രം ആദ്യം ഇന്‍സ്റ്റഗ്രാമില്‍ പങ്കുവച്ചത്. ഇതോടെ തരിണിയെ കുറിച്ചുള്ള ചര്‍ച്ചകള്‍ ഉയരുകയായിരുന്നു. പിന്നീട് തരിണിക്കൊപ്പമുള്ള ചിത്രങ്ങളും വീഡിയോയും കാളിദാസ് പങ്കുവയ്ക്കാറുണ്ട്.
തരിണിയും തന്റെ പ്രൊഫൈലില്‍ കാളിദാസിനൊപ്പമുള്ള ചിത്രങ്ങള്‍ പങ്കുവയ്ക്കാറുണ്ട്. ‘രജ്‌നി’ എന്ന മലയാള ചിത്രവും ‘പക്കത്തിലെ കൊഞ്ചം കാതല്‍’ എന്ന തമിഴ് ചിത്രവുമാണ് താരത്തിന്റെതായി അണിയറയില്‍ ഒരുങ്ങി കൊണ്ടിരിക്കുന്നത്.