പഠാന്‍ തിയേറ്ററുകളില്‍ വിജയകരമായി മുന്നേറുമ്പോള്‍ കൊച്ചി മള്‍ട്ടിപ്ലക്‌സുകളിലും ഇടം പിടിക്കുകയാണ്. ആമിര്‍ ഖാന്റെ ദംഗലിന് ശേഷം 1.40 കോടി നേടുന്ന രണ്ടാമത്തെ ബോളിവുഡ് സിനിമയായി മാറിയിരിക്കുകയാണ് പഠാന്‍. 2.65 കോടിയാണ് കൊച്ചിയിലെ മള്‍ട്ടിപ്ലക്‌സുകളില്‍ നിന്ന് ദംഗല്‍ നേടിയത്.
പഠാന്‍ ഈ ആഴ്ച്ച കൂടി കഴിയുമ്പോള്‍ ലോകമെമ്പാടുമുള്ള കളക്ഷനില്‍ 900 കോടി കടക്കുമെന്ന് പ്രതീക്ഷിക്കുന്നതായാണ് നിരീക്ഷകര്‍ സൂചിപ്പിക്കുന്നത്. ഇന്ത്യയില്‍ മാത്രം 500 കോടിയിലേക്ക് കടക്കുകയാണ് ചിത്രം. വ്യാഴാഴ്ച ഏകദേശം 5.50 – 5.75 വരെ കോടി രൂപയാണ് ചിത്രം നേടിയതെന്ന് ബോക്സ് ഓഫീസ് ഇന്ത്യ റിപ്പോര്‍ട്ട് ചെയ്യുന്നു.
ഇന്ത്യയില്‍ മാത്രം 500 കോടിയിലേക്ക് കടക്കുകയാണ് ചിത്രം. വ്യാഴാഴ്ച ഏകദേശം 5.50 – 5.75 വരെ കോടി രൂപയാണ് ചിത്രം നേടിയതെന്ന് ബോക്സ് ഓഫീസ് ഇന്ത്യ റിപ്പോര്‍ട്ട് ചെയ്യുന്നു. ജനുവരി 25നാണ് സിദ്ധാര്‍ത്ഥ് ആനന്ദ് സംവിധാനം ചെയ്ത പഠാന്‍ റിലീസ് ചെയ്തത്.
അറ്റ്ലി സംവിധാനം ചെയ്യുന്ന ജവാന്‍ ആണ് ആരാധകര്‍ കാത്തിരിക്കുന്ന അടുത്ത ഷാരൂഖ് ചിത്രം. നയന്‍താരയാണ് ചിത്രത്തില്‍ നായികയായി എത്തുന്നത്.