അഞ്ചാം പാതിര, ഗരുഡൻ എന്നീ ത്രില്ലർ ചിത്രങ്ങൾക്ക് ശേഷം മിഥുൻ മാനുവൽ തോമസ് തിരക്കഥയെഴുതുന്ന ഏറ്റവും പുതിയ ചിത്രം ‘ഫീനിക്സി’ന്റെ ട്രെയ്‌ലര്‍ പുറത്ത്.
വിഷ്ണു ഭരതൻ ആണ് ചിത്രം സംവിധാനം ചെയ്യുന്നത്. ഹൊറർ- ത്രില്ലർ ഴോണറിൽ പുറത്തിറങ്ങുന്ന ചിത്രം യഥാർത്ഥ സംഭവങ്ങളെ ആസ്പദമാക്കിയാണ് ഒരുങ്ങുന്നത്.
ട്രെയ്‌ലര്‍ ആകാംക്ഷയും പേടിയും നിറഞ്ഞ കാഴ്ചാനുഭവമാണ് പ്രേക്ഷകന് നൽകുന്നത്. കൈതി, ആർഡിഎക്സ് എന്നീ ചിത്രങ്ങൾക്ക് സംഗീതം നിർവഹിച്ച സാം സി. എസ് ആണ് ഫീനിക്സിൽ സംഗീതമൊരുക്കുന്നത്.
അജു വർഗീസ്, ചന്ദു നാഥ്, അനൂപ് മേനോൻ, എന്നിവരാണ് ചിത്രത്തിലെ പ്രധാന കഥാപാത്രങ്ങൾ. അനൂപ് മേനോന്റെ കരിയറിലെ വ്യത്യസ്തമായ ഒരു കഥാപാത്രമാവും ചിത്രത്തിലേതെന്നാണ് പ്രേക്ഷകർ പ്രതീക്ഷിക്കുന്നത് . 21 ഗ്രാംസ്’ എന്ന ചിത്രത്തിന്റെ വിജയത്തിന് ശേഷം ഫ്രണ്ട് റോ പ്രൊഡക്ഷൻസിന്റെ ബാനറിൽ റിനീഷ് കെ.എൻ നിർമിക്കുന്ന ‘ഫീനിക്സ്’ നവംബർ 17 ന് ആണ് റിലീസിനൊരുങ്ങുന്നത്. .