തിയേറ്ററുകളില്‍ വിജയക്കൊടി പാറിച്ചു മുന്നേറുന്ന ജോഷി ചിത്രം പൊറിഞ്ചു മറിയം ജോസിന്റെ പുതിയ ടീസര്‍ റിലീസ് ചെയ്തു. ചിത്രത്തില്‍ ചെമ്പന് വിനോട് അവതരപ്പിക്കുന്ന പുത്തന്‍പള്ളി ജോസ് എന്ന കഥാപാത്രത്തിന്റെ ഡിസ്‌കോ ഡാന്‍സാണ് ടീസര്‍ ഹൈലൈറ്റ്. ചെമ്പന് ഏറെ പ്രേക്ഷക പ്രശംസ നേടി കൊടുത്തു കൊണ്ടിരിക്കുന്ന കഥാപാത്രമാണ് ചിത്രത്തിലെ ജോസ്. കഴിഞ്ഞ ദിവസം പുറത്തിറങ്ങിയ ടീസറിന് ഒരു ലക്ഷത്തിന് മേല്‍ കാഴ്ച്ചക്കാരായി.
ടൈറ്റില്‍ കഥാപാത്രങ്ങളായി ജോജു ജോര്‍ജ്ജ് (കാട്ടാളന്‍ പൊറിഞ്ചു), നൈല ഉഷ (മറിയം), ചെമ്പന് വിനോദ് (ജോസ്) എന്നിവര്‍ അണിനിരന്ന ചിത്രം രണ്ടാം വാരം തിയേറ്ററില്‍ പ്രദര്‍ശനം തുടരുകയാണ്. നാല് വര്‍ഷത്തെ ഇടവേളയ്ക്കു ശേഷം ജോഷി ഒരുക്കുന്ന ചിത്രമാണിത്. എണ്‍പതുകളുടെ പശ്ചാത്തലത്തിലാണ് സിനിമയുടെ കഥ വികസിക്കുന്നത്. ചിത്രത്തിന്റെ കഥയും തിരക്കഥയും എഴുതിയിരിക്കുന്നത് അഭിലാഷ് എന്‍ ചന്ദ്രന്‍ ആണ്.
അജയ് ഡേവിഡ് കാച്ചപ്പിള്ളി കാമറ ചലിപ്പിക്കുന്ന ഈ ചിത്രത്തിന് സംഗീതം ഒരുക്കുന്നത് ജേക്‌സ് ബിജോയും ഈ ചിത്രം എഡിറ്റ് ചെയ്യുന്നത് ശ്യാം ശശിധരനുമാണ്. ഡേവിഡ് കാച്ചപ്പിള്ളി പ്രൊഡക്ഷന്‍സ് അവതരിപ്പിച്ച് കീര്‍ത്തന മൂവീസും അപ്പു പാത്തു പപ്പു പ്രൊഡക്ഷനും ചേര്‍ന്ന് നിര്‍മ്മിച്ച പൊറിഞ്ചു മറിയം ജോസ് ചാന്ദ് വി ക്രീയേഷന്റെ ബാനറില്‍ ആണ് പ്രദര്‍ശനത്തിനെത്തിരിക്കുന്നത്.