മഞ്ജു വാര്യര്‍ നായികയാകുന്ന “പ്രതി പൂവന്‍കോഴി”യുടെ ട്രെയിലറിന് സോഷ്യല്‍ മീഡിയയില്‍ മികച്ച സ്വീകരണമാണ് ലഭിക്കുന്നത്. . പത്ത് ലക്ഷത്തില്‍പ്പരം വ്യൂസ് നേടി മുന്നേറുന്നതിനൊപ്പം തന്നെ മികച്ച അഭിപ്രായങ്ങളും ട്രെയിലറിന് ലഭിക്കുന്നുണ്ട്. മഞ്ജുവാര്യരുടെ ശക്തമായ ഒരു കഥാപാത്രമാണ് മാധുരിയെന്നും. നടിയുടെ ഗംഭീരമായ മായ തിരിച്ചുവരവാണിതെന്നുമൊക്കെ ധാരാളം പേര്‍ സോഷ്യല്‍മീഡിയയില്‍ കമന്റു ചെയ്തിട്ടുണ്ട്. പത്രം എന്ന സിനിമയിലെ നടിയുടെ കഥാപാത്രവുമായി ഈ വേഷത്തെ ഉപമിക്കുകയും ചെയ്യുകയാണ് ചിലര്‍. ഏറെ നിഗൂഢതകളും ചോദ്യങ്ങളുമാണ് ചിത്രം പ്രേക്ഷകര്‍ക്കായി കാത്തുവച്ചിരിക്കുന്നത് എന്നാണ് ട്രെയിലര്‍ നല്‍കുന്ന സൂചന.
മാധുരി എന്ന സെയില്‍സ് ഗേള്‍ ആയാണ് മഞ്ജു ചിത്രത്തില്‍ വേഷമിടുന്നത്. മാധുരിയുടെ ജീവിതത്തിലെ അപ്രതീക്ഷിത സംഭവങ്ങളിലൂടെയാണ് ചിത്രം മുന്നോട്ട് പോകുന്നത്. ചിത്രത്തില്‍ വില്ലന്‍ വേഷത്തില്‍ എത്തുന്നത് സംവിധായകന്‍ റോഷന്‍ ആന്‍ഡ്രൂസ് തന്നെയാണ്. മുമ്പ് “പച്ചക്കുതിര” എന്ന ചിത്രത്തില്‍ അതിഥിവേഷത്തില്‍ സംവിധായകന്‍ എത്തിയിരുന്നു.
Read more
“ഹൗ ഓള്‍ഡ് ആര്‍ യു” ന് ശേഷം റോഷന്‍ ആന്‍ഡ്രൂസ് മഞ്ജു വാര്യര്‍ കൂട്ടുകെട്ടില്‍ ഒരുങ്ങുന്ന ചിത്രമാണിത്. ഉണ്ണി ആറാണ് ചിത്രത്തിന് തിരക്കഥ ഒരുക്കുന്നത്. ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ ആണ് പ്രതി പൂവന്‍കോഴി നിര്‍മ്മിക്കുന്നത്. ഡിസംബര്‍ 20- ന് ചിത്രം തിയേറ്ററുകളിലെത്തും.
