പൃഥ്വിരാജ് നായകനായെത്തിയ ഡ്രൈവിംഗ് ലൈസന്‍സ് തിയേറ്ററുകളില്‍ മികച്ച പ്രതികരണം നേടി മുന്നേറുകയാണ്. ഒരു സൂപ്പര്‍ സ്റ്റാറിന്റെയും അയാളുടെ ആരാധകന്റെയും കഥ പറയുന്ന ചിത്രം ആയതു കൊണ്ട് തന്നെ ആരാധകരേയും ഉള്‍പ്പെടുത്തിയുള്ള പ്രൊമോഷന്‍ പരിപാടികള്‍ ആണ് പൃഥ്വിരാജ് നടത്തുന്നത്. ഇതിന്റെ ഭാഗമായി സംഘടിപ്പിച്ച മത്സരത്തില്‍ വിജയികളായവര്‍ക്കൊപ്പം പൃഥ്വിരാജ് ഹെലികോപ്ടര്‍ യാത്രയൊക്കെ നടത്തിയിരുന്നു. ഇപ്പോഴിതാ പൃഥ്വിയെ നേരില്‍ കണ്ട ഒരു അപര്‍ണ എന്ന ആരാധികയുടെ കുറിപ്പാണ് സോഷ്യല്‍ മീഡിയയില്‍ ശ്രദ്ധ നേടിയിരിക്കുന്നത്.
“രാജുവേട്ടനെ നേരില്‍ കാണുക എന്നത് എന്റെ ഒരുപാട് വര്‍ഷത്തെ ആഗ്രഹം ആയിരുന്നു. അവസാനം അത് സത്യമായി. അദ്ദേഹത്തിന് സോപ്പില്‍ തീര്‍ത്ത ഒരു ചെറിയ ശില്‍പ്പം നല്‍ാകാനുമായി. എല്ലാവരും ഗിഫ്റ്റ് വാങ്ങി ഇറക്കി വിടാന്‍ ധൃതി കൂട്ടിയപ്പോള്‍, വിഷമിച്ചു നിന്ന എന്നോട് പിക് എടുക്കണോ എന്ന് ചോദിച്ചു. പിക് എടുപ്പിച്ച ഈ മനുഷ്യന് ആണോ ജാഡ എന്ന് പലരും പറഞ്ഞത്. അദ്ദേഹം വലിയ മനുഷ്യനാണ്.” അപര്‍ണ ഫെയ്‌സ്ബുക്കില്‍ കുറിച്ചു.
Read more
“9”ന് ശേഷം വീണ്ടും പൃഥ്വിരാജ് നിര്‍മ്മാതാവും നായകനുമായ ചിത്രമാണ് ഡ്രൈവിംഗ് ലൈസന്‍സ്. സൂപ്പര്‍സ്റ്റാറും ആരാധകനും തമ്മിലുള്ള ബന്ധത്തിന്റെ കഥ പറയുന്ന ചിത്രത്തില്‍ സൂപ്പര്‍താരമായി പൃഥ്വിരാജ് എത്തുന്നു. ആരാധകന്റെ വേഷത്തില്‍ സുരാജ് വെഞ്ഞാറമൂടാണ് അഭിനയിക്കുന്നത്. സംവിധായകന്‍ ലാലിന്റെ മകന്‍ ജീന്‍ പോളാണ് ചിത്രം സംവിധാനം ചെയ്യുന്നത്. ദീപ്തി സതി, മിയ ജോര്‍ജ് എന്നിവരാണ് നായികമാരായി എത്തുന്നത്. പൃഥിരാജിന്റെ ഭാര്യയായാണ് ദീപ്തി വേഷമിടുന്നത്. സച്ചി തിരക്കഥയൊരുക്കുന്ന ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത് അലക്സ് ജെ പുളിക്കലാണ്. പൃഥിരാജ് പ്രൊഡക്ഷന്‍സിനൊപ്പം ലിസ്റ്റിന്‍ സ്റ്റീഫനും ചേര്‍ന്നാണ് ചിത്രം നിര്‍മ്മിച്ചത്.
