കലാഭവന്‍ ഷാജോണ്‍ ആദ്യമായി സംവിധാനം ചെയ്യുന്ന ചിത്രമാണ് ബ്രദേഴ്സ് ഡേ. പൃഥ്വിരാജ് നായകനായെത്തുന്ന ചിത്രം റിലീസിന് തയ്യാറെടുക്കുകയാണ്. ചിത്രത്തിന്റേതായി പുറത്തിറങ്ങിയ ടീസറിനും പോസ്റ്ററുകള്‍ക്ക് സോഷ്യല്‍ മീഡിയയില്‍ മികച്ച പ്രതികരണമാണ് ലഭിച്ചത്. ഇപ്പോഴിതാ പൃഥ്വിരാജ് ഫെയ്‌സ്ബുക്കില്‍ പങ്കുവെച്ച “ബ്രദേഴ്സ് ഡേ”യിലെ പുതിയ ലുക്കും ആരാധകര്‍ ഏറ്റെടുത്തിരിക്കുകയാണ്.
പൃഥ്വിയുടെ ചിത്രം കണ്ട് “എവിടൊക്കെയോ ഒരു പാമ്പ് ജോയ്” ലുക്ക് പ്രകടമാണെന്നാണ് ആരാധകര്‍ പറയുന്നത്. പാവാട എന്ന ചിത്രത്തില്‍ പൃഥ്വി അവതരിപ്പിച്ച കഥാപാത്രമാണ് പാമ്പ് ജോയി. “ബ്രദേഴ്സ് ഡേ”യില്‍ റോണി എന്നാണ് പൃഥ്വിയുടെ കഥാപാത്രത്തിന്റെ പേര്. ഒരു ഇവന്റ് മാനേജ്‌മെന്റ് കമ്പനിയിലെ കാറ്ററിങ് തൊഴിലാളിയാണ് റോണി.
മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനാണ് ചിത്രം നിര്‍മ്മിക്കുന്നത്. ഛായാഗ്രഹണം ജിത്തു ദാമോദര്‍, സംഗീതം 4മ്യിൂസിക്സ്, എഡിറ്റിംഗ് അഖിലേഷ് മോഹന്‍, പ്രൊഡക്ഷന്‍ കണ്‍ട്രോളര്‍ നോബിള്‍ ജേക്കബ്, കോ പ്രൊഡ്യൂസര്‍ ജസ്റ്റിന്‍ സ്റ്റീഫന്‍. ഐശ്വര്യ ലക്ഷ്മി, മഡോണ സെബാസ്റ്റ്യന്‍, വിജയരാഘവന്‍, ധര്‍മ്മജന്‍ ബോള്‍ഗാട്ടി, കോട്ടയം നസീര്‍, പ്രയാഗ മാര്‍ട്ടിന്‍, മിയ ജോര്‍ജ്ജ്, തമിഴ് നടന്‍ സച്ചിന്‍ തുടങ്ങിയ നിരവധി താരങ്ങള്‍ ചിത്രത്തില്‍ അണിനിരക്കുന്നു.ഓണം റിലീസായി ചിത്രം തിയേറ്ററുകളിലെത്തും.