‘ആടുജീവിതം’ സിനിമയുടെ അടുത്ത ഘട്ട ചിത്രീകരണത്തിന് തുടക്കമാകുന്നു. ചിത്രീകരണത്തിനായി നടന്‍ പൃഥ്വിരാജ് അള്‍ജീരിയയില്‍ എത്തി. സഹാറ മരുഭൂമിയില്‍ നിന്നുള്ള ആദ്യ വീഡിയോ പൃഥ്വിരാജ് സോഷ്യല്‍ മീഡിയയീലൂടെ പങ്കുവെച്ചു.
മാര്‍ച്ച് 31 നാണ് താരം അള്‍ജീരിയിലേക്ക് തിരിച്ചത്. 40 ദിവസത്തോളം ഷൂട്ടിംഗാണ് സഹാറ മരുഭൂമിയിലുള്ളത്. അതിനു ശേഷം 35 ദിവസത്തോളം ജോര്‍ദാനില്‍ വാദി റമ്മില്‍ ഷൂട്ടിംഗുണ്ട്. ഷൂട്ടിംഗ് പൂര്‍ത്തിയാക്കി ജൂണിലാകും പൃഥ്വി തിരിച്ചു നാട്ടിലെത്തുക.
നേരത്തെ 2020ല്‍ ചിത്രീകരണത്തിനായി ജോര്‍ദാനിലേക്ക് പോയ പൃഥ്വിരാജും സംഘവും കോവിഡിനെത്തുടര്‍ന്ന് അവിടെ കുടുങ്ങുകയായിരുന്നു. ഏകദേശം രണ്ടര മാസത്തിനു ശേഷം 2020 മേയ് 22നാണ് സംഘം പ്രത്യേക വിമാനത്തില്‍ കൊച്ചിയിലെത്തിയത്.
ബ്ലെസ്സിയുടെ സംവിധാനത്തില്‍ പൃഥ്വിരാജ് നായകനാവുന്ന ചിത്രമാണ് ആടുജീവിതം. സൗദി അറേബ്യയിലെ ഇന്ത്യന്‍ കുടിയേറ്റ തൊഴിലാളിയായ നജീബ് എന്ന കഥാപാത്രത്തെയാണ് ചിത്രത്തില്‍ പൃഥ്വി അവതരിപ്പിക്കുന്നത്.
View this post on Instagram