പ്രഖ്യാപന സമയം മുതല്‍ ഏറെ ഹൈപ്പ് നേടിയ ചിത്രമാണ് ‘എമ്പുരാന്‍’. ‘ലൂസിഫര്‍’ സിനിമയുടെ ഗംഭീര വിജയത്തിന് ശേഷം എത്തുന്ന ചിത്രത്തിന്റെ രണ്ടാം ഭാഗമായ എമ്പുരാനെ കുറിച്ച് സിനിമാസ്വാദകര്‍ക്ക് പ്രതീക്ഷകള്‍ ഏറെയാണ്. എമ്പുാരനെ കുറിച്ചുള്ള പുതിയ അപ്‌ഡേറ്റുമായി പൃഥ്വിരാജ് ഇപ്പോള്‍ എത്തിയിരിക്കുന്നത്.
എമ്പുരാന്റെ തിരക്കഥയുടെ അവസാന ഭാഗത്തിന്റെ ചിത്രമാണ് പൃഥ്വിരാജ് പങ്കുവച്ചിരിക്കുന്നത്. Black out (സ്‌ക്രീനില്‍) Title – L L2E E.M.P.U.R.A.A.N’, എന്നാണ് ഫോട്ടോയില്‍ ദൃശ്യമാകുന്നത്. പിന്നാലെ കമന്റുകളുമായി ആരാധകരും രംഗത്തെത്തി. ”വായിച്ചിട്ട് അങ്ങട് വ്യക്തം ആകുന്നില്ല, കട്ട വെയ്റ്റിംഗ്, എത്ര സൂക്ഷമമായി നോക്കിയിട്ടും സീന്‍ കാണുന്നില്ലല്ലോ മച്ചാ…” എന്നിങ്ങനെയാണ് ചില കമന്റുകള്‍.
അതേസമയം, ചിത്രത്തിന്റെ ഷൂട്ടിംഗ് അടുത്ത വര്‍ഷം ആരംഭിക്കും. ചിത്രം 2024 പകുതിയോടെ തിയേറ്ററുകളില്‍ എത്തുമെന്നും വിവരമുണ്ടായിരുന്നു. എന്നാല്‍ ഇക്കാര്യത്തില്‍ ഔദ്യോഗിക സ്ഥിരീകരണങ്ങള്‍ ഒന്നും തന്നെ വന്നിട്ടില്ല. ഈ വര്‍ഷം ഓഗസ്റ്റില്‍ ആയിരുന്നു എമ്പുരാന്റെ ഔദ്യോഗിക പ്രഖ്യാപനം.
അവകാശവാദങ്ങളൊന്നുമില്ലെന്നും ഒരു കൊമേഴ്‌സ്യല്‍ എന്റര്‍ടെയ്‌നറാണ് ചിത്രം എന്ന് പൃഥ്വിരാജ് പറഞ്ഞിരുന്നു. മലയാളത്തിന് പുറമെ അന്യഭാഷകളിലും എമ്പുരാന്‍ റിലീസ് ചെയ്യും. അതേസമയം, ലൂസിഫറിന്റെ തെലുങ്ക് റീമേക്ക് പ്രദര്‍ശനത്തിന് എത്തിയിരുന്നു.
ചിരഞ്ജീവി നായകനായ ചിത്രം ബോക്‌സോഫീസില്‍ വിജയിച്ചില്ല. സല്‍മാന്‍ ഖാന്‍ ആയിരുന്നു പൃഥ്വിരാജ് ചിത്രത്തില്‍ അവതരിപ്പിച്ച സയീദ് മസൂദ് എന്ന വേഷത്തില്‍ എത്തിയത്. ഇത് ഏറെ ട്രോള്‍ ചെയ്യപ്പെടുകയും വിമര്‍ശിക്കപ്പെടുകയും ചെയ്തിരുന്നു. നയന്‍താര ആണ് മഞ്ജു വാര്യര്‍ ്‌വതരിപ്പിച്ച കഥാപാത്രമായി തെലുങ്കില്‍ എത്തിയത്.