റഷ്യയിൽ നിന്ന് ഫ്ലെെറ്റ് പിടിച്ച് വരെ തന്നെ കാണാൻ ആരാധകരെത്തിയിട്ടുണ്ടെന്ന് പ്രിയ വാര്യർ. തന്റെ ജീവിതത്തിലെ ഏറ്റവും നല്ല ഓർമ്മയാണ് അത്. ഒരേ സമയം സന്തോഷവും ചമ്മലും തന്റെ മുഖത്ത് വന്നെന്നും പ്രിയ ജിഞ്ചർ മിഡീയയ്ക്ക് നൽകിയ അഭിമുഖത്തിൽ പറഞ്ഞു. താൻ റഷ്യയിലുണ്ടെന്ന് അറിഞ്ഞാണ് നാലു പേർ അവിടെയെത്തിയത്.
എന്നാൽ മൂന്ന് ദിവസം അവർ അന്വേഷിച്ചിട്ടും തന്നെ കണ്ടെത്തിയില്ല. പീന്നിട് തന്റെയും സുഹൃത്തുകളുടെയും സോഷ്യൽ മീഡിയ പോസ്റ്റിനെ പിന്തുടർന്ന് സെന്റ് പീറ്റേഴ്സ് നഗരത്തിലെത്തിയെന്നും തന്റെ ഒപ്പം ഫോട്ടോ എടുത്തതിനു ശേഷമാണ് അവർ തിരിച്ച് പോയതെന്നും നടി പറഞ്ഞു.
സുഹൃത്തുക്കൾക്കൊപ്പം യാത്ര പോകുമ്പോൾ ആളുകൾ തിരിച്ചറിയുകും ഫോട്ടോ എടുക്കാൻ വരുകയും ഒക്കെ ചെയ്യുമ്പോൾ തനിക്ക് ചമ്മലാണന്നും സുഹൃത്തുക്കൾ തന്നെ കളിയാക്കുമെന്നും പ്രിയ പറഞ്ഞു.
ഒരിക്കൽ മസ്കറ്റിൽ പോയ സമയത്ത് ക്ലിയറൻസിനിടെയിൽ എയർപോട്ടിലെ ഓഫീസിലുണ്ടായിരുന്ന അറബി തന്നെ തിരിച്ചറിഞ്ഞന്നും ചെക്കിങ്ങില്ലാതെ തന്നെ പുറത്തു വിട്ടെന്നും പ്രിയ പറഞ്ഞു