സീരിയല്‍ നടി അമ്പിളിദേവിയുടെ വിവാഹ ജീവിതത്തെ കുറിച്ച് വാര്‍ത്തകള്‍ കഴിഞ്ഞ ദിവസമാണ് പുറത്തുവന്നത്. ഇപ്പോഴിതാ അമ്പിളി ദേവിയുടെ സൈക്കോളജിസ്റ്റായ കല മോഹന്റെ പോസ്റ്റ് ശ്രദ്ധേയമാവുകയാണ്.
‘അവള്‍ക്കു നീതി കിട്ടണം. ഏതോ ഒരുത്തന്‍ കൊന്നു കളഞ്ഞിട്ടല്ല, ജീവിച്ചിരിക്കുമ്പോള്‍ തന്നെ! ദിവസങ്ങള്‍ക്കു മുമ്പ് സീരിയല്‍ നടി അമ്പിളിദേവിയുമായി സംസാരിക്കുമ്പോള്‍ ഏതെങ്കിലും ഒരു മാധ്യമത്തിന്റെ മുന്നില് വന്നവള്‍ പ്രതികരിക്കുമോ എന്ന് സംശയമായിരുന്നു. അത്രയേറെ തകര്‍ന്ന അവസ്ഥയിലായിരുന്നു ആ പാവം. ഭയവും സങ്കടവും കൊണ്ട് വാക്കുകള്‍ കിട്ടുന്നില്ലായിരുന്നു.
ശ്വാസത്തിന്റെ ഏതോ ഒരു അംശം മാത്രമേ അവളില്‍ ഉണ്ടായിരുന്നുള്ളു. ആ ശബ്ദവും കരച്ചിലും എന്റെ ഉള്ളം പിടച്ചു. ഞാനും ഒരമ്മയും സ്ത്രീയുമാണ്. അവളില്‍ ഒരുപാട് സ്ത്രീകളുണ്ട്. അവരുടെ കണ്ണുനീരുണ്ട്. അനുഭവസ്ഥര്ക്ക് മാത്രം ഊഹിക്കാവുന്ന അവസ്ഥകളുണ്ട്. ഓണ്‍ലൈന്‍ മാധ്യമങ്ങളുടെ വാര്‍ത്തയില്‍ ആ കുട്ടിയെ കുറ്റം പറഞ്ഞു, ആക്ഷേപിച്ചു, പ്രതികരണം ഇടുന്നവരോട് ഒരു വാക്ക്. ഇപ്പോള്‍ പിന്തുണ കൊടുക്ക്!! അല്ലാതെ ഒരു ജീവന് നഷ്ടമായ ശേഷം justice for her എന്ന് ഹാഷ്ടാഗ് ഇടാതെ.
അവളുടെ ജീവന് ഒരു ആപത്തും വരരുത്. നട്ടെല്ലുള്ള സമൂഹത്തോട് ഉള്ള അഭ്യര്‍ഥന അതാണ്. അവളുടെ ജീവന് ആപത്തിലാണ് എന്നുള്ളതിന് എല്ലാം തെളിവുകളും ഉണ്ട്. കൗണ്‍സലിംഗ് രഹസ്യം പുറത്ത് വിടരുതെന്നാണ്, പക്ഷെ ഇവിടെ ഞാനത് തെറ്റിക്കുന്നു. അവളുടെ ജീവന് അപകടത്തില്‍ ആയതിനാല്‍.
കല, കൗണ്‍സലിംഗ് സൈക്കോളജിസ്‌റ്’
Read more
അമ്പിളി ദേവിയുടെ ഭര്‍ത്താവ് ആദിത്യന് മറ്റൊരു സ്ത്രീയുമായി ബന്ധമുണ്ടെന്നാണ് ആരോപണം. താന്‍ ഗര്‍ഭിണിയായിരിക്കുന്ന കാലയളവില്‍ ആദിത്യന് വാടകയ്ക്ക് താമസിക്കുന്ന വീട്ടിലെ സ്ത്രീയുമായി ബന്ധത്തിലാണ്. അവര്‍ക്ക് 13 വയസുള്ള ഒരു മകനുണ്ട്. ഡലിവറി കഴിഞ്ഞും ആദിത്യന് അടുത്തേക്ക് വരുന്നത് കുറവായിരുന്നു. എപ്പോഴും തൃശൂരായിരുന്നു. അവിടെ ബിസിനസ് ആണെന്നാണ് പറഞ്ഞിരുന്നത്. കഴിഞ്ഞ മാര്‍ച്ചിലാണ് അവര്‍ തമ്മിലുള്ളത് വെറും സൗഹൃദമല്ലെന്ന് തനിക്ക് മനസിലാകുന്നതെന്നാണ് അമ്പിളിദേവി മനോരമയായുള്ള അഭിമുഖത്തില്‍ പറഞ്ഞത്.
