മമ്മൂട്ടി നായകനായെത്തുന്ന വൈശാഖ് ചിത്രം ‘ടർബോ’യിൽ കന്നഡ സൂപ്പർ താരം രാജ്. ബി. ഷെട്ടിയും. മിഥുൻ മാനുവൽ തോമസാണ് ആക്ഷൻ- എന്റർടൈനർ ഴോണറിൽ പുറത്തിറങ്ങുന്ന ടർബോയ്ക്ക് തിരക്കഥയെഴുതുന്നത്.
ഗരുഡ ഗമന ഋഷഭ വാഹന, ടോബി, 777 ചാർലി എന്നീ ചിത്രത്തിലൂടെ മലയാളികൾക്ക് പ്രിയങ്കരനായ നടനും സംവിധായകനും തിരക്കഥാകൃത്തുമാണ് രാജ് ബി ഷെട്ടി. മമ്മൂട്ടിയും രാജ് ബി ഷെട്ടിയും ഒരു സിനിമയിൽ ഒന്നിക്കുമ്പോൾ തെന്നിന്ത്യൻ പ്രേക്ഷകർ വളരെ പ്രതീക്ഷയിലാണ്.
ചിത്രത്തിൽ മമ്മൂട്ടിയുടെ വില്ലനായാണ് താരം എത്തുന്നത് എന്നാണ് പുറത്തുവരുന്ന റിപ്പോർട്ടുകൾ. മധുരരാജ എന്ന ചിത്രത്തിന് ശേഷം വൈശാഖ്- മമ്മൂട്ടി കൂട്ടുക്കെട്ടിൽ പുറത്തിറങ്ങുന്ന ചിത്രമാണ് ടർബോ.
View this post on Instagram
Read more
വിഷ്ണു ശർമ്മ ഛായാഗ്രഹണം നിർവഹിക്കുന്ന ചിത്രത്തിൽ ജസ്റ്റിൻ വർഗീസ് ആണ് സംഗീത സംവിധാനം. തമിഴിൽ നിന്നും അർജുൻ ദാസും തെലുങ്കിൽ നിന്നും സുനിലും വന്നതോട് കൂടി പാൻ ഇന്ത്യൻ ലെവലിലേക്കാണ് സിനിമ ഇപ്പോൾ ഉയർന്നിരിക്കുന്നത്.
