നടനും അവതാരകനുമായ രാജ് കലേഷ് സോഷ്യല്‍ മീഡിയയില്‍ പങ്കുവച്ച പോസ്റ്റ് വൈറലാകുന്നു. സ്വന്തം ചിത്രത്തിനൊപ്പം കുഞ്ചാക്കോ ബോബന്‍, അല്ലു അര്‍ജുന്‍ എന്നിവരുടെ ചിത്രങ്ങളും ചേര്‍ത്തുള്ള ഒരു രസകരമായ പോസ്റ്റാണ് രാജ് കലേഷ് പങ്കുവച്ചിരിക്കുന്നത്. ഈ പോസ്റ്റിന് ഒരു പ്രത്യേകയുമുണ്ട്.
മൂവരും ധരിച്ചിരിക്കുന്നത് ഒരേ ടൈപ്പ് ഷര്‍ട്ടാണെന്ന് സൂക്ഷിച്ച് നോക്കിയാല്‍ മനസിലാവും. ‘അല്ലു കല്ലു കുഞ്ചു! ഞങ്ങളിങ്ങനെയാ’ എന്ന ക്യാപ്ഷനോടെയാണ് ഈ ചിത്രം രാജ് കലേഷ് പങ്കുവച്ചത്. ഇരുതാരങ്ങളെയും ടാഗ് ചെയ്തു കൊണ്ടാണ് കലേഷിന്റെ പോസ്റ്റ. രസകരമായ കമന്റുകളും ചിത്രത്തിന് താഴെ എത്തുന്നുണ്ട്.
View this post on Instagram
‘രമേശന്റെ കടേന്നാണല്ലേ വാങ്ങിയത്?’, ‘സത്യം പറ ഇത് സുഡിയോയില്‍ നിന്നു വാങ്ങിയതല്ലേ?’, ‘ആഹാ! കൊള്ളാലോ! ഒരച്ചില്‍ ഇട്ടു വാര്‍ത്ത പോലെ ഉണ്ട്! ഒരമ്മ പെറ്റ മക്കള്‍ ആണന്നെ പറയൂ!’ എന്നിങ്ങനെയാണ് ചില കമന്റുകള്‍. അതേസമയം, ടെലിവിഷന്‍ ചാനലുകളിലെ കുക്കറി ഷോകളിലൂടെയാണ് രാജ് കലേഷ് ശ്രദ്ധ നേടുന്നത്.
Read more
രാജ് കലേഷ് അവതരിപ്പിച്ച കുക്കറി ഷോ വലിയ തരംഗമായിരുന്നു. മഴവില്‍ മനോരമയില്‍ സംപ്രേക്ഷണം ചെയ്ത ജനകീയ പരിപാടി ഉടന്‍ പണത്തിന്റെ അവതാരകനായും രാജ് കലേഷ് തിളങ്ങിയിരുന്നു.
