“കബാലി”ക്ക് പിന്നാലെ ആകാശം തൊടുന്ന പ്രൊമോഷനുമായി രജനികാന്ത് ചിത്രം “ദര്‍ബാര്‍”. ചിത്രത്തിന്റെ പ്രൊമോഷന്റെ ഭാഗമായാണ് വിമാനത്തില്‍ രജനിയുടെ പടം പതിച്ചിരിക്കുന്നത്. “ദര്‍ബാര്‍ ഫ്ളൈറ്റ്” സോഷ്യല്‍ മീഡിയയില്‍ വൈറലാവുകയാണ്.
നേരത്തെ “കബാലി” സിനിമക്കും ഇത്തരത്തില്‍ പ്രൊമോഷനുണ്ടായിരുന്നു. എ.ആര്‍ മുരുഗദോസ് ഒരുക്കുന്ന ദര്‍ബാറില്‍ നായികയായെത്തുന്നത് നയന്‍താരയാണ്. സുനില്‍ ഷെട്ടി, പ്രതിക് ബബ്ബാര്‍, യോഗി ബാബു, ജീവ, പ്രകാശ് രാജ്, നിവേത തോമസ് എന്നിവരാണ് മറ്റ് പ്രധാന താരങ്ങള്‍.
ലൈക പ്രൊഡക്ഷന്‍സ് ആണ് ചിത്രം നിര്‍മ്മിക്കുന്നത്. ജനുവരി 9ന് റിലീസിനെത്തുന്ന ദര്‍ബാര്‍ എസ് ക്യൂബ് ഫിലിംസും ഗൃഹലക്ഷ്മി പ്രൊഡക്ഷന്‍സും ചേര്‍ന്നാണ് കേരളത്തില്‍ വിതരണത്തിനെത്തിക്കുന്നത്.