അനന്ത് അംബാനി-രാധിക വിവാഹാഘോഷങ്ങളുടെ ചിത്രങ്ങളും വീഡിയോയുമാണ് സോഷ്യല്‍ മീഡിയയില്‍ ട്രെന്‍ഡിംഗ്. ഇതിനിടെ അമിതാഭ് ബച്ചന്റെയും രജനികാന്തിന്റെയും പുതിയൊരു വീഡിയോയാണ് ഇപ്പോള്‍ ശ്രദ്ധ നേടുന്നത്. ബച്ചന്റെ കാല്‍ തൊട്ട് അനുഗ്രഹം വാങ്ങാന്‍ ശ്രമിക്കുന്ന രജനിയെയാണ് വീഡിയോയില്‍ കാണാനാവുക.
ബഹുമാനത്തോടെ കാല്‍ തൊടാനായി രജനി കുനിയുമ്പോള്‍ തന്നെ ബച്ചന്‍ പിടിച്ചുയര്‍ത്തി ആലിംഗനം ചെയ്യുന്നതും വീഡിയോയില്‍ കാണാം. സോഷ്യല്‍ മീഡിയയില്‍ എത്തിയ ഈ വീഡിയോ ഏറ്റെടുത്തിരിക്കുകയാണ് ആരാധകര്‍. ഒരു ഫ്രെയ്മില്‍ രണ്ട് ലെജന്‍ഡിനെ കണ്ട സന്തോഷത്തിലാണ് ആരാധകര്‍.
View this post on Instagram
അതേസമയം, കഴിഞ്ഞ വെള്ളിയാഴ്ച മുതല്‍ രജനിയും ബച്ചനും വിവാഹാഘോഷങ്ങളുടെ ഭാഗമായിരുന്നു. രജനികാന്ത് നൃത്തം ചെയ്യുന്ന വീഡിയോയടക്കം വൈറലായിരുന്നു. ബാര്യ ലതയ്‌ക്കൊപ്പമാണ് രജനികാന്ത് പരിപാടിയില്‍ പങ്കെടുത്തത്. ബച്ചന്‍ ഭാര്യ ജയ, മക്കള്‍ അഭിഷേക്, ശ്വേത, ചെറുമക്കള്‍ നവ്യ നവേലി നന്ദ, നിഖില്‍ നന്ദ എന്നിവര്‍ക്കൊപ്പമാണ് എത്തിയത്.
അതേസമയം, 32 വര്‍ഷത്തിന് ശേഷം വീണ്ടും ഒന്നിച്ച് അഭിനയിക്കാന്‍ പോവുകയാണ് അമിതാഭ് ബച്ചനും രജനികാന്തും. 1991ല്‍ പുറത്തിറങ്ങിയ ഹം എന്ന ചിത്രത്തിലാണ് രജനിയും ബച്ചനും ഒടുവില്‍ ഒന്നിച്ച് വേഷമിട്ടത്. രജനിയുടെ വേട്ടയ്യന്‍ എന്ന ചിത്രത്തിലാണ് ഇരുതാരങ്ങളും ഒന്നിച്ച് അഭിനയിക്കാന്‍ ഒരുങ്ങുന്നത്.