ഇന്‍സ്റ്റഗ്രാം റീല്‍ ട്രെന്‍ഡിന്റെ പിന്നാലെ രമേശ് പിഷാരടിയും. ‘അനിയത്തിപ്രാവ്’ തിയേറ്ററില്‍ എത്തിയിട്ട് 27 വര്‍ഷങ്ങള്‍ പിന്നിടുമ്പോള്‍ കുഞ്ചാക്കോ ബോബന് വ്യത്യസ്തമായ ആശംസയുമായാണ് പിഷാരടി എത്തിയത്. കുഞ്ചാക്കോ ബോബനൊപ്പമുള്ള ചിത്രം പങ്കുവച്ച് അതിന് നല്‍കിയ ക്യാപ്ഷന്‍ ആണ് ഹൈലൈറ്റ്.
ചാക്കോച്ചന്‍ കമന്റ് ചെയ്താല്‍ ‘അനിയത്തിപ്രാവ്’ ഒന്നു കൂടി കാണും എന്നാണ് പിഷാരടി ക്യാപ്ഷനായി കുറിച്ചത്. ”കാണൂ കാണൂ” എന്ന് കുഞ്ചാക്കോ ബോബന് ചിത്രത്തിന് കമന്റ് ചെയ്തെങ്കിലും പിഷാരടി എയറിലായി. ട്രോളുകളില്‍ നിറഞ്ഞിരിക്കുകയാണ് പിഷാരടി ഇപ്പോള്‍.
പിഷാരടി കമന്റ് ചെയ്താല്‍ പിഷാരടിയുടെ സിനിമകള്‍ കാണാം എന്ന രീതിയിലുള്ള കമന്റുകളുമായാണ് ആരാധകര്‍ പിഷാരടിയുടെ ചിത്രത്തിന് താഴെ മറുപടിയുമായി എത്തുന്നത്. പിഷാരടി മറുപടി തന്നാല്‍ ‘ഗാനഗന്ധര്‍വന്‍’ കാണും എന്നായി ഒരു ആരാധകന്റെ കമന്റ്.
കമന്റിന് മറുപടിയായി ‘കാണൂ’ എന്ന് പിഷാരടി കുറിച്ചു. തുടര്‍ന്ന് പിഷു കമന്റ് ചെയ്താല്‍ ‘പഞ്ചവര്‍ണതത്ത’ കാണും, ‘കപ്പല്‍ മുതലാളി’ കാണും എന്ന കമന്റുകളുടെ ആരാധകരുടെ ഒരു നിരതന്നെ എത്തി. മിക്ക കമന്റുകള്‍ക്കും മറുപടിയുമായി രമേഷ് പിഷാരടി എത്തുകയും ചെയ്തിട്ടുണ്ട്.